صدك ماشوف طولك بعد ياخــوي؟
ولا يمــــــــي تمر وتفرح العـــــــــيون
شكل لمك يخي من تســـــأل اعليك
شيصبر كلبها وتسكت شلــــــــــون
...
شيسكت اطفالك لـــــــو درو بيك
شيسكت احبــــــــــــابك لو يعرفون
شيصبرني اني لــــــــــو يجي العيد
ولا شـــــــوفك تجيني ويه اليعيدون
تمنيت الكبر لــــــــــــــو يوسع اثنين
لعيش وياك خويه واترك الكـــون
صدك جوه التراب اصبحت موجود
وصدك برض المقابر صرت مدفون
عليك القلم يبجي ويكتب حـــروف
كتب مغدور مــــــو زلم اليغدرون
نثايه الكتلتك لا اعــــــــــــــتذر لا
النثايه سباع مـــــو مثل اليكتلون
ابد مـــــو بشر ذوله لا ولا جلاب
الجلب من عدهم اوفه وابد ميخون
عليك العين رمدت عكب الفراك
وعليك العقل والله صار مجنون
من يوم الرحت ما بطلت نوح
والكتلوك من يمي يمرون
عشت عمرك اسد وما همك الموت
وجانوا من تواجههم يختلون
جانو لك اخوه ومثل للناس
جازوك بقتل بس ليش وشلون
بس عادي النذل ما يعرف الطيب
كلاب ومن تمد ايدك يعضون
يبو يوسف تهنه بجنه الخير
شهيد انته وعلى عناد اليكولون
وابنك لا تضن فد يوم ينضام
اذا ما شاله راسي تشيله لعيون
لأن فضلك علينه بلايا مقياس
اذا ننطي عمرنه ما يووفون
وقسم بالله لدفع عمري لفداك
ولا خلي الغدر بينه يضحكون
رد مع اقتباس