يوم من الايام صياد راد يطلع للصيد.
وهو بالطريق شاف فيل ضعيف ميكدر يتحرك , حاول الصياد يوصل للفيل بكل طريقة ( هذا فيل بعد شلون يتفوت صيدة جبيرة ) حاول يستغل الموقف يصيدة ويبيعة بسعر غالي ( فيل هذا ) ...
راح جاب سلسلة ضخمة كلش ربط الفيل من رجلة وبقى يعالج بالفيل .
الفيل من تحسنت صحتة حاول يمشي عن المكان الي هوة بي بس ماكدر بسبب السلسلة .
مر يوم على الفيل يريد يتحرك وميكدر , مر يومين وتلاثة لحد ما بقة على هذا الوضع اسبوع , يشوف الصياد مهتم بي واكل وشرب يومية . الفيل كال وين اريد اروح بعد , اكل وموجود وشرب موجود خليني على هذي الكعدة احسلي .
الصياد بعد اسبوع حاول يبدل سلسلة الفيل بسلسلة خشب من ينام الفيل .
بعد ما بدل الصياد السلسلة مر الاسبوع الثاني والفيل على نفس الوضع مايقبل يتحرك . هنا الفيل صار بعقلة شلل بعد ميفكر اخذ وضع بعد مستحيل يغيرة .
الفيل الي جان بالقصة تعرفون منو ؟؟؟
للأسف احنة
وماكو داعي اكلكم منو الصياد
0 هسة واحد يكلي داعش واحد يكول اسرائيل واحد يكول ايران واحد يكول امريكا 0
خليهة سكتة
رد مع اقتباس
المشاركة الأصلية كتبت بواسطة رافد .
