وعليكم السلام اخ احمد..
انطلاقاً من الحديث " استعينوا على قضاء حوائجكم بالكتمان"
السرية والحذر هنا واجب لذلك احاول جهد الأمكان ان تكون عملية اصدار القرار او الإحاله بشكل سري ولايكشف عن مُصدِر القرار الي هو اني.....
فلو كنت في كذا مكان وضمن اللجنه الفلانيه وصادفتني مثل هذه الحالة أمامي ثلاث خيارات..
اولا.. اصدار قرار بفصله عن الوظيفه.. وهنا راح يعتمدون مبدأ كما تُدين تُدان واروح بيهه اني وبعدين يرجع هو لمكانه واني اكل تبن .. ظهره قوي غيرر..
ثانياً.. أُحيل ملفه إلى هيئة النزاهة وهم يبلشون وياه.. هنا اكون أديت الي عليه وتبقه يم هيئة النزاهه.. صح راح اتضرر بس مو مثل لو اني اجي ارفع عليه قضيه او افصله..
ثالثاً.. والي هي الأفضل انت كلت ضمن لجنة.. فاعتمد السريه بالموضوع.. فيعني لو تطمنت ان ماراح يكشفون اصدار القرار من قبلي.. فهذي الطريقه هي الأسلم..
هسه شنووو نجي للصدك..
بيبيتي تكول ال (لو) زرعوه وماخضر .. فــ (لو) اني بهيج موقف هاي السالفه وهاي الحلول ماتفيد
هي الشغلة من تصير بوكتهه يجي وياهه الحل سواء نتائجه ايجابيه او سلبيه..
فكل الآراء هنا والحلول تعبر عن صاحبها فيما لو كان بمثل هكذا موقف.. وانت تعرف اليوم اكول شي باجر يجوز اكول غيره.. فآني ما أضمن روحي قبل لا اضمن بشر ان فعلا هذا الحل اكيد راح استخدمه لو مريت بهذا الموقف.. تره الروح عزيزه احنه نحجي ونكول ميخالف خل ننسجن او خل نتعرض للأغتيال بس من تجي للصدك كلمن يصيح ياروحي.. وهذا هو اهم سبب في تدهور وضع البلد من ناحية تطبيق القانون..
اعتذر عن الإطالة.. وكل الي كتبته يعبر عن وجهة نظري كما فعلوا قبلي..
شكرا لك
رد مع اقتباس
المشاركة الأصلية كتبت بواسطة المحامي احمد التميمي
