مساجله دارميات مع مريم والشاعر حسين الساعدي
::::::::::::::::::::::::::::::::::::
والشعر ما ينقاس صدكوني ياناس
والشعر كون ابيات تنبض بالاحساس
مريم
....................................
والشعر ما ينقاس رقه ومشاعر
واليكتب بأحساس يتسمه شاعر
مريم
.................................
نكتب تشوف الناس هاي الكتابه
والشاهد المكتوب ننطر جوابه
مريم
.............................
ما جاملينه ابيوم ما بعنه الافكار
والشعر شاهد صار وبهاي الاشعار
مريم
.....................................
بالشعر كون انشوف قيس اويه ليله
حتى الحروف اتصير كلش جميله
ااالساعدي
......................:...........
قيس اويه ليله اليوم ردو علينه
من نكتب الاشعار وبهاي ادينه
مريم
...............................
تشتم هوانه الناس باللي نكتبه
خل الورود اتشوف معنه المحبه
ااالساعدي
.................................
سالوفه للعشاك قصة هوانه
وبلهفة المشتاك بس انته وانه
مريم
.............................
دايخ وداخت بيك كل السواعد
شاعر ودور وين هاي القصائد
ااالساعدي
.................................
والشعر ما ينكال بس للمحبين
ونسولف الاشعار وبنظرة العين
مريم
..............................
بالفيس الم الناس وانشر عذابي
شايب واريد اليوم منك شبابي
ااالساعدي
.................................
شيبك يلوك اوياك خله ابمكانه
دوخت كل الفيس قصة هوانه
مريم
.............................
صاير محامي انوب كلبي وعليه
بالمحكمه ابهل يوم رافع قضيه
ااالساعدي
................................
هذا الكلب وفاي بالك تلومه
بس تختلف وياي يعلن هجومه
مريم
...............................
دلالي ذاك اليوم سواها جوله
جي كتله هذا اهواك ماظن تنوله
ااالساعدي
...................................
هذا الكلام انوب بالك تكوله
والصمم اعله هواه لازم ينوله
مريم
................................
ما ادري يا هالناس شنهي القضيه
كلبي الاملكه انوب صاير عليه
ااالساعدي
...............................
منكم ثلث تنعام يل كلكم ابداع
كل الوفه والطيب لا والله ماضاع
مريم
رد مع اقتباس
المشاركة الأصلية كتبت بواسطة مسلم عقيل
