صباحكم \ مساؤكم خير وسعادة ان شاء الله
اعرف الجو بارد وصاير جمود عند البعض بسبب انخفاض درجات الحرارة.. لا والنوب بدت تثلج بالمنتدى يعني استليصت هههههه
المهم هذا مو موضوعي لأن موضوعي غير
اثناء تجوالي بعدة مواقع لاحظت هناك عسر او قله في التصاميم الخاصة بمناسبات الخطوبة والزواج وهي ع الابواب طبعا .. وحبيت اطرح عليكم الموضوع هذا
وكذالك هناك مناسبات بعد ايام قليلة مثل العام الميلادي الجديد وبعدها المولد النبوي للرسول الاكرم
اذن صار طلبي واضحمطلوب مطلوب مطلوب من جميع المصممين الحبابين والي حاب يشارك ويقدم شي هم هلا بي
بعد اذن مشرف القسم طبعا
شروط التصميم
التصاميم اريده بهذه المواصفات (البسيطة)
- ابعاد الصورة 851 × 315 بكسل بالنسبة للفيس بوك ’ و 300 × 600 بكسل لتصاميم الفوتوشوب او السويش ماكس
- بيها تعبير عن المناسبة الي صممت من اجلها يعني نريد مشاعر بالتصميم وخيال المصمم هم نشوفه
- بيه صور معبرة .. بس ها .. راعو الحشمة حبايب بالنسبة لتصاميم الخطوبة والزواج .. والي اشوف تصميم مشفلح ههههه او مو محتشم احذفة وقد اعذر من انذر
- بيه فد كتابة او عبارة تدل على المناسبة يعني مولد نبوي او سنة 2015 او خطوبة
- لا تخللي عليه توقيعك او اسمك، علمود يكون ممكن استخدامه من قبل اي شخص
هديتي تقييمات للجميع + تقييم 30 نقطة للي يسوي نفس التصميم كغلاف فيس بوك وفوتوشوب وبعدين يدخله بالسويش ماكس ويضيفله تأثيرات او نغمة بكيفكم بعد كلمن وذوقه
و20 نقطة للي يسوي تصميمين وهكذا يعني كلما تزيد عدد التصميمات تزيد وياها التقييمات
واي تصميم ينزل يا ريت يدزلي الرابط حتى اقيمه بمساعدة مشرف القسم علاء
الموضوع مو مسابقة وانما لتحريك الخمول عند الاعضاء
تحياتي وحبي للجميع
اي تصميم للمشاركة يتم اضافة رابطه كـــ رد بهذا الموضوع بالتنسيق مع مشرف القسم الورد
وهذا اول تصميم الي
رد مع اقتباس
المشاركة الأصلية كتبت بواسطة ᾋĿἿ ƝὛṂᾋȒ
