راحت روحي تتمشه ورمشاكدكاكين الصبر صدك عزلنه
جفنك مني جرجرها ورمشاك
رمش اني احب رقمك ورمشاك
ترد الروح من ترمش عليه
وكتبنه بقطعه غيابك عزلنه
مثل عزل الطماطه احنه عزلنه
وعزلتك واجهه ميه بالميه
سنك ويهلك.
االيحبك ليش يتعذب ويهلك.
اغار عليك من تحجي ويهلك.
لعد وية الغريب شلون بية.
نص اليل صب دمعي والك در.
وابد ماعيش من بعد ولكدر.
افتحت كلبي الك منزل.
والك دار حبيبي انت وترد الروح الية.
ابلهيب الشوك كلة اعضاي وجن.
وتهيت السنين المضن والجن.
مثلك ماشفت بالانس والجن.
جلت قدرته السواك الية.
4- غيابك خلخل اعضامي وهدهن...
واجر حسرات ببعادك وهدهن....
الي دمعات لو ابجي وهدهن...
تفيض اليابسة ونغرك سوية.
5-انا مكدر على الفركة ومرهة...
ليالي الهم تمر بية وامرهة..
اريد اوصل منازلكم وامرهة..
عزيزة وموحشة وتعتب علية.
6-الف وسفة الدهر عنك بعدني...
اموت وارتجي لوصلك بعدني....
تراني على الوعد باقي بعدني...
وتراك انت الهوى والروح الية.
7-افكر بيك ياصاحبي ولاانام...
اغمض جفن عيني ولاانام...
احب اكعد يمك ولاانام..
عزيز وشوفتك حصرة علية
سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
جرحك ما بره ولا دار حوله
دليلي ومن بديت الشرك حوله
لوكت ينظر عليه بعين حوله
سلب روحي وطلع مشتبه بيه
اليالي اشتركن بهجرك وسهمين
وكبل جان الدمع جامد وسهمين
جمرتين بوسط جبدي وسهمين
عفان يشلون شايلهن سويه
اسلم ما ترد مالك عسلماي
وبيك ايدير من هجرك عسل ماي
اسالك ع اللوى اشفافك عسل ماي
حليب ودرته اشفافك عليه
يا روحي التحبيه ولج مات
شبعتي جروح من حبه ولجمات
ما مات الكلب بس لاجلك ولج مات
شهيد ويحق لطمج عليه
يهل تنشد على حالي تراني
بسجن يهواي من بعدك تراني
شمس ما اشوف بالدنيا وتراني
مغيمه وكل وكت تمطر عليه
وحك من نزل الكوثر والايات
راحت روحي بخلافك ولايات
فاضت دول بدموعي ولايات
وافيض كون اذا ما تمر عليه
هجرتك للابد وهجرت دارك
ما ادري حجي الناس فرك ودارك
شكد واجهت حينا مشاكل وماعرفنه ندارك
بعد شلي بهل هم والاذيه
يفز كلبي كلبك اه لو صاح
وتهت سكران انه بيك لو صاح
غلط حبي الكم عرفت لو صاح
حبيتك انه والبلوه عليه
عن حبكم اريد اهجر بعد مارد
جي حبكم صافي لجلاي مارد
اكله هاك اخذ يكول مارد
اكصصهن بعد تنطيك اديه
حبيبي من تصب الجاي حله
ومن تكعد كبالي باحله حله
الي يعاشرك ما يعاشر غير اهل حله
صدق ووفه وغير حميه
تكلي بعد ما اريدك ولا ابيك
هاي اطباع مو منك ولابيك
ابد مالوم والدتك ولا ابيك
الوم الوكت الرهاك عليه
لمن اشكي هموم الدهر واشراح
وما ادري شبقى من العمر وشراح
الناس فخاذ تاكل لحم واشراح
وانا العظمات ما تحصل بدي
فراكك هدني ولاخله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس و خلي الوجع يزداد بيه
راحت روحي تتمشه ورمشاك
جفنك مني جرجرها ورمشاك
رمش اني احب رقمك ورمشاك
ترد الروح من ترمش عليه
حبيبي لاتظن انساك ولهه
دوه الروحي غرامك صار ولهه
الشفه والعين ترد عليك ولها
تدعيلك كل صبح وكل مسيه
الك يا صاح ما ظلمني خاطر
واحسبه حساب ربك من اخاطر
تعال كرب حبيبي مني خاطر
تعرف جنون حبك اسوه بيه
عيونك تصيب الكلب بسهام
يلي ابد ما شفت بهواك بسهام
انا طير المهاجر بالفضاء بسهام
اشوفك وانته تايه بالبريه
ان شاء الله تعجبكم
رد مع اقتباس
