هنا

[سيد حسين]

رماد الود على افراكه .. ولعناه
وكلبنه اشماسكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه
___________________
مشه والروح غفله .. راودتني
وعليه العين تربي .. راودتني
زليخةبوجه ثاني .. راودتني
عن نفسي وخذت ثوب العليه
___________________
كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه
____________________
متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه
____________________


شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تنداربيه
_____________________
وحق الي عليه الشمس غابت
شكثرخوان وقت الضيق غابت
وشكد مصايب صارت وغابت
وضلت بس الشماته تّمرعليه
_____________________
واحد جان من عدنه وخانه
غدر ياحيف بمعزبه وخانه
يراويك الوفه بخانه وخانه
يظم بيه شكو ارده من الرديه
______________________
شي نص طن بلاوي الوكت شي طن
شطت وطيوفك،، العيناي ،،،شيطان
فزعلي أبيوم صحت الغوث ،،شيطان
وخوتي المتقين أقطعو بيه
______________________
عليك اسال واجامل شنسه منك
لان كلك محبه شنسه منك
ردت انساك مره شنسه منك
تظل غالي وعزيز انته علبه
______________________
انه أصحابي الاحبهم ميزتهم
وعن أخواني ابد ما ميزتهم
اليعاشرهم جذب ينسى ميزتهم
لان همه الهوا والروح اليه
______________________
على كلمن ذكرني بطيب رديت.
ولا فد يوم باب بوجه رديت .
اذا اجه مكتوب وبكل طيب رديت .
وخادم صرت لليسأل علية
______________________
تشب نيران كلبي ولها ساني
على الولع دليلي وله لساني
شروط الها الموده وله ساني
وشوك اهل الردى وتخون بيه
______________________
ثلج ياريت وصلك ماع لينا
ونريد وياك نوفي ماعلينا
شتقول الناس عنّا ماعلينا
علينا شلون نترافق سوية
_____________________
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
_____________________
وحك الطاح بالكوفه ونجليه
نود كل صاحب يودنه ونجليه
نزيح الحزن عن كلبه ونجليه
ونفزع لليهد لجل الخويه
_____________________
الوكت ذبني على حبك حاضر اني
وابد ماصير ماضي حضر اني
بخدمتك يوم تامر حاضر اني
اصير لك جسر واعبر عليه
_____________________
يغالي الخوه ما ترهم بليـــــــــــــاك
ودموع العين هماله بليــــــــــــــــاك
يا ريت لا شفت حالي بليــــــــــاك
وصلت الموت بفراكك اليــــــــــــه
_____________________
يصاح شبيك صاير ماتريدني
وشحيحة اخبار شخصك ماتردني
جنت دوم من اطلبك ماتردني
شجاك وقفلت بابك علية
______________________
نفسك دوم حاسبهه ولمهه
تره منيدك مسرتهه ولمهه
فقير الحرص عالدنيا ولمهه
وغني اليقنع برزقه بلا شجيه
_______________________
أضعفت ما واحد بربعي … گواني
وشلت حملي على جتافي … گواني
اموتن جوع وابقى البس … گواني
ولا فد يوم امدلهم اديه.
_______________________
صديقى وظل غدر ينبظ وريدة
ويصاحب صوج كلبي من ورا ايدة
غدرني الجنت احبنا واريد
ووفالي الجنت اظنه يخون بية
________________________
صدمنه الوكت بخباره…فقدنه
واخذنه بثوب فرحتنه…فقدنه
مثلك جم خوي وصاحب..فقدنه
وفقدنه الشوف وياهم سويه
________________________
الحزن دامي بسبب زعلك ترادم
تعال وباوع عيوني ترادم
اعلى مودك ضلعي وي ضلعي ترادم
اعلى مودك كمت اهد انا علية
________________________
اسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية
________________________
ملاك من السما نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انته عسل لازك بديه
________________________
هوى المحبوب ماينكشف بسحار
وكلبي مابرد وياك بس حار
الك مديت واير عشك بس حار
ينتلك لو كطعت الوصل بيه
________________________
وحق الناي من يعزف وخنته
ابد ما عاشرت صاحب وخنته
حبيبي وصاحبي وروحي واخي انته
وانتة الرمز للخوة القوية
________________________
الليالي شهود اذا ناسي وعيدك
بلكي تعود للماضي وعيدك
شعلت شموع ميلادك وعيدك
وفرحت وياك رغم الجرح بيه
_________________________
حبيبي اغيابه كلش دمراني
الحلك جكليت يمكن دمه راني
اطبكت شفتي اعله شفته دمراني
عسل حلقوم شو تاهت عليه
_________________________

[M N S Y]

شوقتني للكتابة والله
شكرا جزيلا لك على الأبوذيات
الرائعه جدا

[ضـوء السلطـنه]

وااااااايد حلوووووو

شكراااااا

[أغرد بهمس]

حلوين
يسلمووا