خايف حيل خايف من الفراكَ
وروحي اعلة الجرح ما عودتهه
انة بطيفي شفت يم بابكم ناس
بس القصة صدكَ معرفتهه
ولسبني اعليك كَلبي وفجأة فزيت
وحتة النومة البعيني احركَتهه
وانّطريت اخابر واعرف الحال
ولمن كَتلي مغلق عبرتهه
واحس جن غيمة صارت فوكَ الخدود
ومطر ع الروح تمطر خلصتهه
واشم ريحة سنينك جابها الريح
دخان وخيانة استنشقتهه
وحتة الليل ذاب بصفنة الليل
وعرفت اسرار مو شفة انطقتهه
وبدة يبني الجرح امالة وياي
بهدوء وعاصفة الصورة اكتبتهه
ونشف ريكَ القصيدة وشربت دموع
وشفتهه اختنكَت وما كملتهه
منقول
رد مع اقتباس
