ليش تكسر خاطري جي مشتريك
وآني لجلك روحي ماحاجيهه
كتلك إمسح عيني غركت بلدموع
ماكلتلك حط إصبعك بيهه؟
شحلاتك غطي وجهك عمي راح نموت
جا شنهي حياة الناس متهمك
طركاعه اللفتنه شجابنه وشفناك
وطركاعه اللفتهه شخلفت امك
لا تسأل علينه شعجب حبيناك
مفهومة القضية شعجب حبينه
اكيد المايحبك وحدة من ثنين
نقص بالذوق عنده لو عمة بعينه
شايف غلات العين هيه وجفنهه
اجتافي للعباس انت اغله منهه
فكره بعقلي جتي وكلت انساك...
لم هدومه كلبي وشال مني....
اني احبك مو لأن انت الحبيب .
لأن كلك تختلف عن البشر.
الناس تركض بالمطر لمن يطيح
وأنت من تطلع يرد لله المطر.
شعجب بطلت يلغالي تراسل
ودليلي بسبب فركاكم تره سل
عليك الصبح والمغرب تره اسأل
واكول اشغير الغالي عليه
حقهم العالم يحسدوني عليك ..
اني من يمي كلت هنيالي
ترى مو حلوه صارت والصبر طال
تعبنه وبعد مانحمل ملامه
نريد انشوفكم بس مو لجل شي
لان بخلافكم صرنه يتامه..
ما أغازل بيك من يمي تفوت
اني اصير بجيتك مو اني
الشارع من تفوت يتصفن عليك
تريد مايصفن عليك الساني
شامرها صار سنين عيني اعله دربك ...
راح اطرق الموضوع عمي انه احبك
سلمتك مشاعر مال عشر سنين
ولا حسبت لحظة يخيبن ضنوني
مالومك عفتني معاشرك يومين
انه العاشرتهم عمر عافوني
اموت اعليك -- لتكلي من احاجيك
اليحب من صدك خل يثبت الية
الكبلك جنت احبهم هم حجو هيج
اومتت مرتين ما ماتو علية
عفتني بموقف اليحتاج وكفات
بي حتى الشمر يوكف للحسين
ما مختار اهلي بس احبهم حيل
دقيس اشكد احبك والك مختارك
ردت مرة ارسمك بس دخت بيك
لان يكتل بياضك موش هين
ورق اسود جبت للوجه مخصوص
لان عاالورق الابيض ماتبين.
تتهمني وأني ماحاجي وراك
مو وراك ابكلبي ماحاجي عليك
بجفاك ألشماتة شكد يسئلون
بكدما بالمشي يسألون عن عون
تعبت اوياك آنه وحيل مليت
وگتله لگلبي كافي وماأريده
بديت بصفحة بيضة وگلت أنساك
طويت الصفحة شفتك بالجديدة
تدري من كد ماصفنتي طولت بيك
سدو عيني أهلي وصيحو مات
أحنه مانطلب بعد منك تعود
وابد مانطلب بعد منك تحن
رايدين اترد كلبنه المات بيك
حتى يمنه احنه بكرامه يندفن
بيك مشغول العقل كلش بحيث ..
ياهو اليحاجيني يطلعله أنتظار ..
أنه بغيبتك ظليت محتار
مثل أخرس يريد أيعايد أمة
كلبك حيل أسود صاير وياي
علكتة بمحرم فوك ألسطوح
منقول
رد مع اقتباس