لتغرك ضحكتي انه كلي دموع
لتغرك ضحكتي انه كلي دموع
ويه الحزن صحبان عمري گضيته
لا مره ضحكت لا مره شفت افراح
حتى طعم الفرح والله انه نسيته
دورت ايام .. **وشهور .. وسنين
ردت الكه الفرح .. **بس ما لكيته
كلت خل انتظر بلكي يجيني بيوم .!!
وخلص صبري من كثر متنطريته
والله لو ينباع لو حتى بغلاة الروح
جان اليوم گبل باجر انه اشتريته
ميفيد العتب ع الدنيا بعد اليوم
گلبي صار اخرس وضاع صيته
گلبي الجان ورده جنه يتيم اليوم
وتهز العاااالم صرخه بجيته
لا ظل بي صبر لا بقت بي افراح
من كثر الحزن انمحت حنيته
تالي التعب والطيب ودمعات العيون
من دنيتي ياوسفه بس هذا الجنيته
بس دموع .. بس قهر .. بس اهات
وجرح گلبي بهمومي ضمديته
من كثر الدموع اتفاركن جفني والرمش
وتكول العين ماظل دمع بيه و مابجيته
انا غلطان اعترف وي هاي دنياي
لان عشت بيها وانا گلبي ع نيته
رد مع اقتباس
تقيمي
