دارميات الجروح!
حسين الساعدي
::::::::::::::::::::::::::::::::
جرحي الي*** اجروح وبشوغة الروح--هم شفت هم سمعيت وبهاي الجروح؟
وجروحك الوياك كلش بسيطه--جرحي ابهوه الماشين راسم خريطه
وجروحي يبن الناس مامنها راحه--شيلن سابع جار شوف الوكاحه!
وجروحي مفترات مثل القوايش--يتحرشن بالناس جنهن دواعش
وجروحك انته اتهون شوف البليه-أزغر جرح باالروح يلعب عليه
ماضل شبر لروح متهجوله الروح--ضليت اضم الروح وبهاي الجروح
زين وتشوف اخيوط بجروحك انته--انه ابجرح مخبوط كوه وعرفته
اجروحك انته اتهون وياها كاعد--يل ما دريت اشلون جرح السواعد[/color]
-------------------
الدهر بس وياي يمشي ابراهاته
كلش بسيط ايصير يم الشماته!
الدهر شد شدات كلش قويه
خلاني ادور وين هاي المنيه
الدهو شد شدات كل شدة تابوت
مدري اشكثر مطلوب من عدنه للموت
الدهر بس وياي سواها فد نوب
يوميه بالدمعات يتبلل الثوب
الدهر بس وياي عالن حرابه
ماظن تفض ابيوم هاي الطلابه
حسين الساعدي
رد مع اقتباس