درر العراق

فقار الكرخي · 21/December/2014

يالليل الخميس احاه .. ها ياليلة الحنة
باچر تعب خمس سنين برمشة عين اضيعنة
باچر وحشة؟ باچر حج ؟!
باچر وين بالي يهج؟
ذهب غيري حله بيمناك ؟!! عسى باليسرة يتهنة

خربت اندافت عرسنه
وهلهل الشامت كطن

لبسوك الحلقه الله وياك روح مبري
ذمة وداعت الجاب الخبر لجن بس رد جر
اصبعي من السنون رايد اشبك سيف.
ماضايك نحر يمر طاري المحكمة وعل
القبلة انام انت كاطع نفسي لو كاطع مهر
واكف ويتعثر بجسمي اليفوت واني جنت
من امشي افيي علة الشجر كبالي باسك
وانتة بادلته الشعور شفتك بعيني واكولن
ﻻصور

الى من اكملت نصف دينها بقتلي.....
حيرة اتذمرج لو ابقة ناسيج
لا شنساج فني
شغمض عيني اذا اشوفج تضحكين
واذا اذني تسمعج افكس اذني ....
بنالج بيت حتة ويا تكعدين
وانة بصف كبر امي بكبري ابني ....

يمر طاري المحكمه وعالقبله انام
انت كاطع نحري لو كاطع مهر

خطبوني غصب والغيرك انزفيت
وحفرو كبري لمن عقدو القران
جبروني وصرخت احضرني يالعباس
انا وحيدة وعكلهم ترست الديوان
طش مستقبلي من طشو الجكليت
وركبة ونص كعد كل جرح نايم جان
حتى الما يشور بية علك شديت
طب لاي حظرة تلكة اسمك على البيبان

من خذوک بصدري خلو فتحه بين بيهه ذريت کفاي
الهلاهل والجفوف الصفکلک ذني بالجنه حطب

صدك زفوك كالو ؟؟
ﻻ ولك باعوك!!!!
بصفكات وهﻻهل تمت افراحك.
الحمام يضوج منك عالبراءة البيك
وضاج اكثر بعد من شكلو جناحك

نزعي محبس غيرنة منشز عليج
ازغيرة بعدج والعرس ميطيحلج
ازغيرة عفناج بكبر ضحكة يتيم
وهسة ام فﻻن كمنة نصيحلج .....

يا حبيبه اتزوجي مبارك عليج
وبالرفاه يكون بس لا للبنين
هااي دنياا كلشي جايزز يصير
مو بعيدة بلكي الله يسهل وتطلكين

خطبت انتة ورحت بالعافية عليك
بس كلي التحبة تعوفة لو ﻻ

شكد حلو الحب
من تحب واحد يحس ...
ومنكم العشاك تتعلم درس.
كون بس بعيونكم تتغاولون.
وعدكم ازعاج السوالف بالهمس
كون مو تتعب وتعبك بالاخير
يجي غيرك يأخذة بحجة عرس ..

إيدك لا تظمه ادري عالخير
ولو هسه اني احس الحلقة من نار
هيج اني رخيص بحلقة انباع
مو جنت اني بيدك محبس اندار
جنت وياي تهوه تبيع وتخون
مثل السوگ ما ثابت على أسعار ...

الله وفقني وترس دمي انتظار
والله وفقها وترس دمها عرس

مخطوبه وصلولي الخبر
جنت اني احبهة هوايه
دعوة بظرف وصل امس
هذا الخميس اصبح عرس
يفلان جنت اسكي بؤرد
جيت واخذت الايه....!
وعدج جذب بس مارحت
انساج هذا اصبح حلم
يم النجم تلكين اسم
واحد يحبله مرايه؟ ؟؟ ..

أشعار شعبية عن الخطوبة والزواج 2015 , ومضات - قفشات عن العرسان , شعر شعبي عراقي

وين ماخذهه وتريد انساهه؟
اني نص عمري كضيته وياهه! مكيف ابدلة عرس
انته مو كاتل نفس؟
شيل جفك مو احس اذااااهه
ادري مغصوبه إعلى الأبيض ما اون
غــصبـن اعلــى الـمات ينحط بجفن
يـــاخي عمـر عيــونك انته ما بجن
عوف حصت الغير لاتدناهه
عوفهه..... تحبني وردتهه بالحلال
والله اسميها جنت ام الجهال
تغيب وانطرهه ترد مثل الهلال
مني راحت والبخت سواها

يموت الماخذك .............
لا هو شعليه ...............!!
القبلوا ياخذك كون اليموتون......

سكتة خليت الخطوبة وما حجيت
ما خفت ربك خفت اعرف منو
لا تظن راح انقهر وانغث وراك
رحمة الله يمهة مقدارك شنو

انتي والخذاج اثنينكم بنار ..
واليحضر عرسكم الله لا يوفقه .

يالجبروج .. يالقنعوج
وما كملتي عشرينج ... غصب زفوج
كرهت الشيخ من كلج
ولج ترضين
وقبلتي !!!
جا كتيلة اريد ويه الولف زفتي
ما شايل حقد ل أبليس
بس شايل حقد عالناس
ذولة الركصو بعرسج

هاك اخذ عمري آنة قابل بس كون
چفه الخشن لا يوصل لشامتها
صح نقطة سودة وبيها ضميت احلام
مو شامة چنها الليل وبركبتها
امتاني ملك الموت يوصل مليت
لابس چفن من لبّسوا حلقتها
يااارب عليك المحد محلفك بيه
ذبني بجهنم من يذب بدلتها

انه ارد احلفك كول يالغشني دمعك
من حلقه أجو لبسوك ما غص أصابعك

عين لا عندي غشيمة تشوف زفتج
والله لو مخلوق ماي جان دافوني وية حنتج
ولو ذكرتيني اصبري ولو ام دميعة اعرفج
جنتي تبجين من اضحكج

شـاريـج بدمـع ذيـج اللـيـالي الـسـود
طبـيـت بطـريقـج و ادري بي مـسـدود
حـبـيـتـج عـلى الـفـطـره
صـوجـي و ماخذت عـبـره
جـبـتـهـه ويـاج بـس اعـثـر
اريــــد انـســاج ما اكــدر
شـلـون انـساج كولـي بيا وسـيـلـه
الــف مـبـروك حــنـوا ايــدج اللـيـلـه

مخطوبه الاحبهه فدوه عزرائيل
اخذ انت الخطبهه واني اخذهه

اني وانته احلامنه زغيرونه حيل
ولد فقره ومايلوكنه الدلال
فارغات جيوبنه بس احنه ناس
تارسين ارواحنه اخلاق وجمال
من اعاين طولك استغفرلي عام
حتى تطلع نظرتي مالت حلال
انته صوتك والجرح معتبره خير
اني واكف جيب رزق الله وتعال
ليش خوافين والموعد بسيط
احنه مانحتاج بس جرئه احتمال
انته بارد بالعشك بالفركه حار
مستحين شبينه غير الحب حلال

الله عكبج جابلي بنية حلال ..
من اكلهة تنام نامت..
من اكلهة شلونج انتي؟؟.
تكلي صوتك طشر بروحي كصايب..
بيضة كلش باهلت بيهة النهار!!
مرة خطبوهة وبجت اذتني حيل ..
شلون عرفوا عد اخوهة بنية تستاهل زواج،!!!

ثوب اﻻبيض ليسوني وانته هم ثوب ابيض لبسوك
بس الفرق انه دفنوني وانته بهلهوله زفوك
الك شماتي لهوسو
وانه علي اهلي البجو
بس ارد اوصيك ابوصيه ﻻتبيع اليشتروك

صار شگد لمن لأحضانة زفوچ؟!
مادزيتي طارش شو مگلتي؟
شو صارت صدگ لچ اني ضنيت
تتشاقين من گلتي انخطبتي؟

نزعي حلقتهم بدينج ما تلوك
كمت احس بروحي غير لونهه
اني شيعوني لكبر والدنيا ليل
وهيه تضحك راحو يزفونهه...

نيتكم وياها شنو
او بالاصح انتو منو
وشجابكم لحساسها ؟
بانيلها بريتي نفس
خافن حجزتوها بمهر
حاجز كصيبة براسها ..!

من وصلتي لبابهم وسمع هلاهل
هزهزولي الروح سعغه
"هاي الرادها وهاي التمناها"
جان ولفج شعره ليل ومن سمعها
تمرغل بمصباح زلفه…

الاخرس...والعثر... والطاح والماشاف
ودموع المفارك... واليحب سكته
واحساس المذله وحسرة المسجون
هذن كلهن شفتهن من ازوجت انته

ربت بية علة وهسة ربت بيت

الياهو گليلي نخطبتي ؟؟؟
احچي مو نزلت دمعتي
احچي هم ويآه گعدتي .؟ هم طلعتي.؟ هم لعبتي .؟
هم شبچ بيده اعله ايدچ .؟ هم لزم شعرچ يمحبوبة وضحكتي .؟
ومثلي هم بالليل بين احضاني نمتي .؟

روحي الله وياچ يا أحلى الجُمل ما بين قصتي
روحي يامن بالگلّب خنجر غدر بيدچ زرعتي
روحي الله ويآچ يا آخر حرف گلته على شفتي

طبعا طلعت روحي
يالا جمعتهن ونزلتهن بموضوع

وما اخفيكم دموعي الي بدت وياي من اول
كتابة الموضوع ولحد نهايتة
اتمنى يروق الكم
تحياتي