هنا

[فقار الكرخي]

امي عفه وشايله بشيلتها ليل
امي
طيره .....وگاعده بحيدر دخيل
امي
يا شجرة حضنهه تنگط بعفه وترافه
امي
بت شيوخ امي الما دنت يم السخافه
امي
يا بيرغ عشيره
وبالحجي تعادل صحافه
امي
ما خافت ابنادم
امي بس الله التخافه
ويا سلام الله اعلديها
شايله بطيبتها اصابع
اليحس موجع يجيها
ومن انام الليل تنشد..
دللول دللول
بغفله انامن
جنه كاروك بحجيها
امي
يا بيبان الله وينقبل جلمة دعاها
امي لوصلت تصلي القبله هم توگف وراها
امي يا شيمة شرفها اللايذه (بزينب) عباها
امي لو رادت نغنتب
جنها دنيا وگاطعه الدنيا بهواها
امي بس الساتر الله
لو دعت عل ما يجيها
توگف بحيل اليتيمه وللسمه ترفع اديها
ربي
ما عندي انه غيرك ياهو يسوه وشتكيله
ربي
كون ( فلان ) طيب ما كو دغشات بشليله
ربي
اذب شيله وعباتي لو عفت روحه بعليله
ربي ما ريد انه جنّه
انه بس روحي اتمنه
تجمع الخل بخليله
هذا طبع امي بدعاهه
امي جنه وكلهه رحمه ما دنت ساعه لدناها
امي لو ردت انه اوصف
جان جبت الكون كله
( ويوصف بدوسة ثراها)
امي ايه انكتبت بحيطان گلبي
امي ماكو ابنادم يصيح قراهه
امي
موش هواي امي
امي چلمه
وهيه مو ياهو الحجاهه
من تگوم تگوم بالله
وتگعد تشكره شنطاهه
امي من تنزل علينه المغربيه وتدعي لله
شكبره جفهه
الدنيا ما تحمل دعاهه
امي يا سالوفه حلوه
امي من تحجي شحلاهه
مره جانت امي تحجي
وجيف حلوه
الدود ضل يركض وراهه

[قطرة ندی]

الله يحفظج الي يايمة ويحفظ كل ام عاشت ايدك يامبدع

[سمراء من قوم عيسى]

الله عليك يا مبدع
شكرالك

[joliet]

الله الله ..قصيدة رائعة جدا
ربي يحفظ جميع الأمهات
شكراً لك

[هاكان ~]

شكرا لك يامبدع

[زمرد الشمري]

الله ع القصيدة الرائعة
الله يخليلي ماميتي

[شيكو الحنين]

حلووو عاشت ايدك

[محمد الساري]

احسنت يامبدع تحياتي لك

[ضـحكة خـجل]

شكراً جزيلا فقار

[فقار الكرخي]

نورتو الموضوع .