راح انطرج جوة صفصافة عشكَنة
راح انطرج جوة صفصافة عشكَنة
البيها أول موعد ألنة
اليمها جاهل جان حُبنه
وهيه متقصر تحبنة
اطش وركَـها وجنها بوسات أعلة خدنة
وجنة نزرع ابتسامة ونحصد الضحكة بزرعنة
ويخدر العصفور من يسمع ضحكنة
وهسه الفركَة صعبة وحيل متخربط وضعنة
واحنة ضعنة ...
والفركة بس بيها انجمعنا
والله يييام جنة شكد نحب شجرتنة هاي
البيه ريحت كل وركها وترست ضلوعي فياي
وياهَــــــــواي
حضري حضنج اني جاي
وكل فراش الله بكفاي
والبلابل طايرة تغرد وراي
لبسي حنية وتعاي
نزعي ثوب المستحة ولبسيلي ناي
واني راح ألبس وكاحة ويمج انزع مستحاي
ياهواااااااي ... اني جايج ياهوااي
ومن تشوفيني ركض شبكيني حيل
جيت عطشان أعلة شوفج وانتي ماي
يلة يمعودة تعاي
يلة يعينوج صفر
اوووف يعيونج صفر
العذبني وسون خدودي صفر
راح اجيج ويلي بعدج كل حناني موشل وصاير صفر
ارد اجيج
وكل عذاب الدنيا بية وبيه عاشور وصفر
ماعرف معنى حبيبة المايضوكـَ من السهر .
ومن اجيج........من اجيج
كون الكَاج غيمـــة محملة حنية نهر
وبعد ماوصيج ....
فدوة ماوصيج زخيني مطر
رد مع اقتباس
