يلي اتضيف الهوة امنيفوت تفتحلة حضن ريتك
ومن تلمح ورد ذبلان تعصر فوگة عافيتك
.متعني (لصبعك) باب..
يچف البي ترافة ماي" دنفضني" أنترست اتراب..
أجيت ابواهس الذواق .من يسمع دفو النواب..
وروحي،مفرعة، ركضت ليك.! نست تاخذني ليها احجاب!..
يكلشي البيك -أصدك-بيه واني ادري البشر جذاب…
يصورة انخطت أعلة الروح قروها وصفك السياب..
اخذني العطش يم طاريك- وبزلفك نبع خنياب..
درويني العطش يايوم .شفتة مفارك الصحرة…
ويايوم الدلال اتهيد؟ گضت عمرين عالجمرة…
المفارك محب بالليل اكيد ايعاشر/الحسرة…
وكيد المايشوف البيك.. ناي الينبض بصدرة..
أنة اسمر بخت يالون! روحك! مثلي هم سمرة؟
روحك مثلي هم تشتاگ..لو خذهة هوة النسيان..
الشوگ البية الك موشوگ.. -ضوة- يفتح جفن عميان…
شوگ الگعد نص الليل. بوكت حتة الگمر نعسان…
وحينما ياتي الليل..
اشعر بان راسي متروربآ بالذكريات..
وغبار اقدامٍ سرت في مهجتي.
ونسيج العنكبوت قد استحل معظم جسدي.
حتى اني شككت في..
ترى هل اصبحت غار….
بعد ان كنت صبي.؟
وحتة لو غار.. ارد اعيش ليش متمرني( نبي)