درر العراق

فقار الكرخي · 20/December/2014

هنيالة كلمن گعد..
وگباله گاعد خل..
بعدك اكلت الهضم..
واشربت كاس الذل..
اتحزمن من اجن..
بس حرت وين اختل..
وطلعت كاشخ تره..
وبسهامك امبدل..
اني الچنت ما افز..
بعدك صفيت اجفل..
يضحك على دمعتي..
يتونس من اتهل..
غثني عباله انكسر..
خايب ولك ماچل..
مو ثوبي چان الغلط..
واني العدل مازل..
حليته بس مارضه..
وعاند بعد ميحل..
مافكلي ياخة الزمن..
ما ادري يمته يمل..
صبخه وعمر جازفت..
بس گلت خل أشتل..
غشوني گالو ورد..
واني ادري ماتحمل..
ادريهة عوجة و گلت..
ﻻبد وكت تعدل..

م