ضايج شجاك ومبتعد
ضايج شجاك ومبتعد
لمتنه احلى من الورد
ما ناوي تفگدني وترد
مو عمري خلص من وكت
چا يمته تخلص ضوجتك...
صدگني كل هذا العمر
لا مده بيه ولا جزر
صافن عليك وانتظر
ضليت اناطر هلّتك
بلكي الله والمح روجتك...
صدكني لمن ليك احن...
چن عمري نص چفك تتن...
مسجون طيفك من يمر
عنده الجگاره اجمل ولف
حتى احلى من جنة عدن...
اي وآنه ليلي الما يفك
يظل واگف بوجه الصبح
ما يمشي عنه ويبتعد
إلا وملامح شوفتك
گدامي صوره وصافيه...
يا ليل اجاني بلا جرح
معقوله ليلك عافيه...
ناعور خلگي شگد وفي
مخلوط مايه وي الملح...
شربتك بليلة عشگ
عايفني فزيت الصبح...
م
رد مع اقتباس
