( السعفايه) ... مغامراتي 1
مرحبا درر
حبيت اشارككم مغامراتي من كنت صغيرة ^^
طبعا اني اول مسجلوني بالمدرسة ماكنت احبهه ويوميه اشبع بجي قبل لا اروح للدوام .. و
ماتحرك الا امي تجي ويايه و خطيه تبقه منتظرتني لحد ماينتهي الدوام وتجيبني وتجي - مع العلم اختي كانت ويايه اتداوم بصف خامس ابتدائي -
بس ماكنت اقبل الا تجي امي واذا متجي ابطل هع..
بقينا على هذا الحال الى مابعد نصف السنه صرت احسن شويه اتشجعت و گمت اروح للمدرسة لوحدي اقصد مع اختي .. بس بشرط !!
آخذ شي من امي ايذكرني بيها .. يوم تنطيني قراصتها ، يوم تنطيني چفيتها ، يوم اخذ عطرها يوم خاشوگتها هههههههه، يعني آي شي منهه بس كون يذكرني بيها .. اخذه للمدرسة ويايه وأضل ابجي كلما اشوفه ؟! ههههههه ليش مادري )؛
فد يوم من الايام وصلتني لباب البيت ردت انسى الا شويه !! اخذ شي منها .. گتلها اريد شي و كنت متأخره عن الدوام ، گلتلي ماما روحي و هاي بوسة راح تتأخرين ..
بس اني مقتنعت .. بعدني اريد شي ايذكرني بيها اهنااااك بالمدرسة )؛
احتارت شنو تنطيني ...؟!
التفتت امي لحديقة بيتنا وشلعتلي (سعفاية صغيرة ) من النخلة هع
گلتلي هاي اتذكريني بيها .... و فعلا أخذت السعفاية وخليتها بجنطتي بين الكتب و رحت اتگول عبالك مو سعفايه ..
وصلت للمدرسه و كلما تصير فرصة اطلع سعفايتي من الجنطة وأضل ابجي )؛ و أرجعهه بدون ما احد ايشوف هع .. حسيت روحي مثل البطة الحزينة اللي ويه توم وجيري .. اللي كلما يفتح جنطته يشبع بجي و يرجع ايسدهه و محد يدري شبي
و بقيت محتفظه بـ السعفايه الى ان خلص الدوام ورجعتها لأمي سالمة غانمه . :)
وخلص
انتظروني في مغامرات اخرى
رد مع اقتباس
