شعر شعبي بمناسبة راس السنة 2015 قفشات شعرية عراقية راس السنة2015
يقول الكاظمي في قصيدته:
حاير شأهديلك براس السنة
الشعر ما يكفي و لا يكفي الغنا
راح أقدملك حياة وحب جديد
كل سنة وكل عام أحبك
عيدك مبارك سعيد
الشهور تمر حزينة وتفرح براس السنة
وآنه أفرح بيك
يل حبك مثل راس السنة
حاير شأهديلك – الكلشي قليل
ولذلك راح أصنع من عيوني العربة
وراح أسوي رموشي خيل
حته اذا نزلن دموعي من الفرح
ينزل وياهن الك بابانؤيل
وجيب حيل وهاك اخذ كل عمري لك
بس جيب حيل
الليل كله يصير ملكي
وكيفي أمد الليل الك ويصير ليل
المكان يصير ظلمة
أشعل أصابيعي شموع
من الفرح تنزل دموعي
وراح أرش ماي الورد هاي الدموع
أهيئلك جو مثل راس السنة
وبيدي أبنيلك قصر بين الضلوع
من أسمع أجراس الكنيسة يخضر بروحي يسوع
اليوم أقدملك شكو بروحي أمانة
وأبد ما تحتاج شجرة
شجرة الميلاد آنه
بيه علك أمنياتك
وتشوفني تفز ذكرياتك
انته لو تعرف غلاتك
حبك بقلبي مثل راس السنة
حبك بقلبي مثل راس السنة
......................................
اجه راس السنه وماعندي محبوب
من دون البشر محبوبي تاركني
بعد المن اگولن هبي نيو يير
اذا كلمن احبه هم يفارگني
......................................
عيد راس السنه محبوبي اجاك
ادري يمته ادكول من حصتك صرت
لتكلي اتحظر واسمع جواب
كبل خمس اسنين اني اتحظرت
.....................................
شهديلك ؟؟
اجة راس السنة وماعندي بس جروح
وشوية الم باقي بطراوة روح
شهديلك ؟؟
گلب من فركتك مذبوح
حتى الورد البچفي بعطر فركاك ضل يفوح
يا راس السنة .. لا تمر علية ارجوك
اتاخر شوية وداعتك مسموح
عيني من الدمع لو تدري حد الساعة
ما بطلت من النوح
شهديلك ؟؟
دمع لو عين لو شهكة نفس بالروح
رد مع اقتباس
المشاركة الأصلية كتبت بواسطة عازفة الامل
