هنا

[عقيل سعد السعيدي]

بعيد انا صدﮔ بـــس روحــي يــــــــمك ... الك شهكه بدليلي تبجي فرعون

اخذ كل صوره من دمعي الينزل عليك ... واتامل ايامي وشوفها شــــلــون

غيابك صار چن ميت بديـــرة غــــرب ... ماكو ناسه وماكو اهله اليفرعون

كسرتني كـــمن كــسرة كلام الشــــيــخ ... وتجبيرك غلط مو مثل اليجبرون

باوعلي عدل وشوف وجهي شــــــبـــيه ... مكصص من الدمع وعاين عل الجفون

وسبــــع دمـــعات طــاحن بـــيوم فركاك ... وشيطان الجفن يضحك عل العيون

ولك بعدك ادور راحــــــه بــــالديــــــــن ... وعلي كل السنين اصبحت عاشور

تــــعــايني بحقد اعرف نظرتك هـــــــاي ... عفتني ركبه مخوفها الســــــاطور

تانــــيت شـــكثر تــرجعـــلي فـــد يـــــــوم ... كعدت عله الدرب واصبحت ناطور

بعـــيده ارواحنـــــا بس والله اشـــــــــــــتاﮔ .... لهل الساعه احبك واعتبرك النور

احلفك بشـــــريــــاني مــــن فــــز لـــــــيك ... بعدك تحبني لاتــــــلف وتدور

اعرفك من عيونك مـــــتعاشر انــــا ويـــاك ... تركتني بسرعه انت وتضحك ومسرور

وسامــــحـــني اذا فـــد يــوم لاشــــــيــــــت ... اليحبك دائما غلطان ما مــــــــعذور


بقلمي ... تقييمكم حبايبي ... وارجو الاشاره من الشعراء اذا اكو اخطاء بالقصيده

[المرقب]

احييكم اخي

فقد كنت مبدعا فيما قدمت

كل الامتنان