هنا

[fairy touch]

السلام عليكم
حاسبة ...فيها نظام وندوز سفن ...حب صاحبها يفرمتها ..وتعرفون الفرمتة بوندوز سفن جداً سهلة ..يعني تخلي القرص وهو يتكفل بمجر ان تختار نفس الدرايف اللي عليه الوندوز القديم رح الوندوز الجديد يحل محله ويجمع الفايلات السابقة للوندوز القديم بفولدر و بعدين نسويلها دليت وتخلص الشغلة ....المشكلة اللي صارت وياه انه النظام اعترض لما اختار درايف سي حتى ينصب الوندوز 7 الجديد (اقصد بالفرمتة)...لأن ما بيه مساحة كافية ...صاحبها بدل ما يشوف جارة ويفرغ سبيس اختار انه ينصب الجديد على درايف دي ...
وصار الحاسبة بيها نظامين وندوز ...واحد محتل مساحة ممتازة ع السي و ما مستفاد منه لأن ميريد يستعمله ...وواحد ع الدي ...هسة السؤال شلون نكدر نفرمت السي ...يعني مجرد نزيل الوندوز القديم ؟

وشكرا مقدما ً

[Snow Girl]

مااعرف

[qas!m]

1 لازم نعرف ان السفن يعيد تسمية الدرايفات يعني الدرايف c بالقديم راح يكون هو الدرايف D بالجديد
2 يفتح الحاسبة على النظام الجديد ويروح للدرايف D وينسخ الشغلات المهمة اللي يريدها تبقى ويخليها بدرايف اخر
3 كلك ايمن على D ويختار format ويكمل التاكيد والتحذير
وتخلص السالفة

[غريب الروح]

معلومة مفيدة
يسلموووووووو

[أحمد الشريفي]

منكم نستفيد اساتذه

[fairy touch]

طيب نيو ..رح انتظر احد من الجهابذة يسوي like لرأيك ...وشكرا للاجابة وردة

[Samer]

السلام عليكم

ما يصير تختارين نفس الدرايف اللي انتي منصبه عليه الويندوز القديم مباشرة .. الافضل (بعد ما توصلين مرحلة اختيار الدرايف) انه تضغطين على الرابط (Drive options) علمود تحذفين الدرايف اللي انتي منصبه عليه الويندوز القديم (اللي يكون عادة C) و بعدين ترجعين تخلقيه من جديد بنفس الحجم و (راح ياخذ نفس الحرف السابق) .. و بعدها يالة تختاريه و تكملين التنصيب .. بهذه الحالة راح يكون تنصيب نظيف تماما و ما راح تواجهج مشكلة المساحة ابد





لاحظي .. عملية حذف البارتشن (الدرايف) و إعادة خلقه من جديد راح يحذف الملفات اللي جانت موجودة بيه تماما، . و ما راح يكون عندج بالنهاية الفولدر windows.old اللي كل مرة تستمعين بحذفه بعد الانتهاء من الفرمتة هع .. الافضل أنه نكون حذرين قبل تنفيذ هذه الخطوة لازم تكونين ناقلة ملفاتج (المستندات، الصور، الفيديوات الصوتيات) إلى درايف ثاني غير الـ C) قبل الإقلاع أصلا من قرص تنصيب الويندوز .. بالنسبة إلي افضل نقل مجلد الخاص بالمستخدم كاملا إلى درايف ثاني (المجلد الخاص بالمستخدم بالويندوز اللي يكون اسمه بنفس إسم الحساب مالتج بالويندوز يحتوي على باقي المجلدات الخاصة بالمستخدم مثل My , Documents- Downloads - My videos إلخ قبل المباشرة بعملية تنصيب الويندوز باستخدم قرص التنصيب

[fairy touch]

افهم من هذا ..انه الحل اللي دتقدمه حاليا هو فرمتة كاملة للدرايف سي ؟ بالمناسبة هو فعلاً صار اسمه الجديد دي بعد ما نصبنا الوندوز ع الدي ...يعني صار تبادل بالاسماء مثل ما كَال نيو ؟

زين ...هسة عوف شغلة المساحة ...انت ليش تفرمت وتمسح الدرايف كله ؟...بينما من ما تمسح الدرايف حتى التعاريف رح تبقى يعني بعد لا اعرف الصوت ولا اي شي يتعرف عادة ...(ادري انت تستخدم درايفر جينيس)...بس الوندوز 7 حل المشكلة ...

وهم نرجع للحل الاساسي المطلوب ....يعني هسة شيسوي صاحب الحاسبة ؟...يمسح الدرايف اللي عليه الوندوز الغير مرغوب بيه تماما مو ؟

[Samer]

مممممممم طريقتي هذه يسموها clean install .. طبعا بعدها لازم نرجع التعريفات اما من اقراص التعريف او من برامج تنصيب التعريفات (اللي تكون موجودة على غير درايف) او بواسطة برنامج مثل درايفر جينيس) ..

ارجعي نصبي الويندوز على السي القديم (اللي محتل الويندو القديم بيه مساحة ممتازة) بس قبلها تكدرين تفرغين من المساحة بمجرد انه تحذفين فولدرات لا على التعيين مثل المجلدات اللي بيها بعض البرامج الضخمة (فوتوشوب إلخ) او حذف مجلد الـ My document إذا جان محتل مساحة جبيرة مثلا، بحيث تصير عندج مساحة 16 كيكا على الأقل .. وراها من يفتح الويندوز على السي تحذفين الفولدر windows.old .. ما ببالي غير فكرة

[fairy touch]

ههههههه
طبعا تدري مو عوايدك ما تفهم شنو منطوق السؤال ...سامر ...انت دتلف وتدور على نقطة مو مهمة ....ما اريد انصب وندوز جديد ...هي اصلا الحاسبة صار بيها اثنين وندوز ...واحد منريده ونريد نطيره (وهذا هو المهم )....شلون نطيره ؟ ....عرفت ..انت كل اجاباتك تتضمن تنصيب وندوز جديد ...ما اريد امحو واحد بتنصيب آخر مكانه ...اريد بس اخلص من الوندوز الزائد ....