مشكلتي احبك يابو الايجارات
مشكلتي احبك يابو الايجارات
يبو عيال التنوح وماتحس بيها
تشوف وجوهنا الجانت غرف للنور
من كثر البجي خربت معانيها
المنطيتك رجلها انطيت بيها شلون
غراض البيت خلصت وانت ناسيها
لو بيي خير نفطك مايضل جواك
من شاف أمي أمس باعت تراجيها
يل ساويتنا بس بالفقر والموت
القصص تكلبني دمعة من ارويها
عجوز استشهدت يمكن بكد بغداد
موت الله بقى يتحسر عليها
وهاي اول جنازه ماتكلف جتاف
الديرم والقرنفل غبشن بيها
بغداد ودمعتي من الله الج تفصال
يامصيار عودي وملح سباحه
أمان الغربه بس لضيمج اشتاكيت
الدامن عل الوجع يستغرب الراحه
وادم هاي تمشي بدمهم الصحراء
او وردج غاثهم لن الله فلاحه
اليكرهون الخضار شرادو يغيرون
انه ابنج البدوي الشايفج واحه
انه الطير الخذاني السحر البجاريج
انصاد ونسه شلون يحرك جناحه
انه التظاهرت والقاتلت والمات
انه الطيب النكط لجلج وكاحه
انه الكاضيها الهث حتى لتطيحين
انه الو كاضج لو لازم صفاحه
رد مع اقتباس