هنا

[حسين الـشـمـري]

علاوي احس المـوت كلـش ذواق
يستنگى بالزينــين يعرف يختار
انا ادري وجهك مو حمل ثگل اتراب
للورده مايرهم گبــر يصبح دار
يـوم اربـعينك باجر ومامـليت !!
شمصبرك على المگبره فراگك نار
تخنگني والله بغيـبتك كلمة راح
وعيوني تغرگ بالدمع ماكو اخبار
بجروحي شايلك حزن شفه وناي
من يلتقن يعــزف حچيهن تذكار
خلني اصـدگ مامتـت باچر جاي
تعبني هجرك واقنع بروحي اعذار
مرات اگولن ذني البراسي ظنون
يمكن لان مشتاگلك گلبي احتار
وي روحي اسولف ونجن تگول الناس
وعذر حچيهم مادرو بيه شصار
اشبگ هوه الله واشتم بروحي هواي
تارسني عطرك تارك بكلشي اثار
ماتهده روحي مسودنه وهزها الشوگ
تگلب نهاري الليل والليل انهار
نبره البصوتك. يمكن براسي تنام
وسمعها وتلفت على يمين ايسار
وبطرگ روحي وي السهر ودري بهاي
بس رغم هذا وداعتك كلي اندار
هايمته اشوفك يل خذت كلشي وياك
وخليت دمعه وحسرة اجروح اكبار
لوضگت لوعه من الهجر ماصديت
توصل حسرتي بفــرگتك سابع جار
يوم غد سيكون يوم اربعينيةالشاعر علي رشمرحم الله من قرا لهُ سورة الفاتحه
(( للشاعر فارس العيساوي ))

[ضياء الصافي]

الى رحمة الله
شكراً اخي

[علي الشمري]

الله يرحمه بحق محمد وال محمد

[سجايا]

يرحمه الباري .. قصيده جدا مؤثره ...شكرا لك

[متهمه بالغرور]

الله. يرحمه ويلهم ذويه الصبر والسلوان