هنا

[د. حسن سعيد]

زين شنو رأيكم نجتمع ونسوي دستور

لأن ماشاء الله متوفرة عدنه خبرات وشهادات حتى أعلى من شهادات رؤساء الدوله ونوابهه.. (الي كلهن قجق)

بمسألة شهادات المسؤولين فعلاً كلها تزوير يدفعون 5000 دولار أو شوية أكثر ويشترون دكتوراه والماجستير 3000 دولار لو شوية أغلى والبكلوريوس رخيص 1500 دولار ، كلها يجيبوها من جامعات على كولتنا قجق وكلاوات ويصيرون علاماء براسنا وهم كلشي ما يفتهمون .
بس مسألة وضع دستور مو هينة ، نحتاج خبراء بعلم القانون بشكل عام والقانون الدستوري بشكل خاص اضافة الى خبراء سياسة وعلم النفس والاجتماع والاقتصاد ، يعني منظومة خبراء كاملة حتى نخلي دستور ناجح مو مثل هذا الدستور التافه الفاشل .

[المحامي احمد التميمي]

الاعتماد على مصادر اخرى غير النفط مثل الزراعه والصناعه
ايقاف الايفادات تقليل الرواتب العاليه

فدوة لعينك صار عشر سنوات ما سووها هالسالفة هسة من هبط النفط وانلاصت رح يصيرون سباع ويسوولك البلد اخضر وصناعي؟؟؟
مستحيل من هال عوجان(حشى السامع) يدبووون شي نورت صديقي

[المحامي احمد التميمي]

اني كول ليش ما نصير احنة دولة مو حسن

شلون يعني- نريد خطوات عملية ياقوتة

[المحامي احمد التميمي]

في المكان غــيــر المناسب... هو هذا سبب تدهور حال العراق الأساسي..

الي استغلو المناصب اشخاص ما الهم دراية بالواجبات الي تتحتم على من يشغل هذا المنصب..
كل اللي يعرفوه.. صار اله صيت ارتفعت مكانته... تـــرس جــيــبــه

قهرررررررررررر

[المحامي احمد التميمي]

يا اخي العزيز هل تذكر عندما قال نوري المالكي بناء البنى التحتيه بالاجل ما ذا قالوا قالوا سيبقى النفط العراقي مرهون
لو انهم سمعوا كلامه انت اليوم قد سجلت ارباح كبيره والمشاريع ماشيه والاستثمار ماشي ولكن الحسد السياسي الاخ البعبادي يعطي الاقليم 17% ويقول البلد مقبل على ازمه ماليه ههههه

خربت من مات الحمزة يكولون مو من طار المالكي ودااعتك ....نريد حل اكو شي ببالك صديقي
نورتنا

[علي الاسدي**]

يا اخي العزيز هل تذكر عندما قال نوري المالكي بناء البنى التحتيه بالاجل ما ذا قالوا قالوا سيبقى النفط العراقي مرهون
لو انهم سمعوا كلامه انت اليوم قد سجلت ارباح كبيره والمشاريع ماشيه والاستثمار ماشي ولكن الحسد السياسي الاخ البعبادي يعطي الاقليم 17% ويقول البلد مقبل على ازمه ماليه ههههه

هههههههه لكانت الازمه اكبر الان ديون متراكمه والعجز يكون اكبر خل يعطي الحسابات الختاميه للسنوات الماضيه حتى تعرف الحكومه اين ذهبت
الاموات والموازنات الانفجاريه للسنين السابقه

[المحامي احمد التميمي]

تحية طيبة لك أستاذ أحمد الفاضل :
هذا الموضوع له حلول ويمكن معالجته لو كان في دولة أخرى أما في العراق فالحل مفقود من الناحية العملية بسبب الفساد الإداري المستشري بشكل فوق الفاحش في أجهزة ومفاصل الدولة .
فالحل الأول بالنسبة للعراق هو مكافحة الفساد الإداري ، ثم تقليل رواتب المناصب العليى والدرجات الخاصة التي أصبحت عبئاً يثقل كاهل موازنة الدولة ، بعدها خفض حصة بعض الأقاليم والمحافظات التي تمتلك مصادر تموين وتحتفظ به لنفسها دون اعطاء شيءاً منه للحكومة الاتحادية وفوق ذلك تشارك المحافظات الأخرى غير ذات التموين بحصة من الموازنة تزيد عن حاجتها .
بعد ذلك كله ينبغي تنشيط مصادر الثروة الأخرى كالزراعة وتربية الحيوانات ودعم الصناعة ودعم القطاع الخاص بشكل واسع جداً لجذب المستثمرين المواطنين للعمل وتخفيف الضغط عن القطاع العام ، وقبل هذا أهم شيء ضبط الجانب الأمني لتشجيع المستثمرين الأجانب على المجيء الى العراق .
وأخيراً السؤال الذي يطرح نفسه : هل سنجد أذناً صاغيةً لكلامنا هذا ؟ الجواب بالتأكيد لا لا لا ، فالمسؤولون مشغولون بملئ جيوبهم من أموال العراقيين ثم الهروب الى خارج البلاد اذا ما حدث أدنى اضطراب ، ثم إننا لن نستطيع مساءلتهم لأنهم يملكون جناسي أجنبية سوف يحتمون بها .
في الختام أعتذر على الإطالة المفرطة ، لكن هذا ما أجبرتني عليه حساسية الموضوع .

رأي راجح بالفعل ومنطقي - لكن هل هناك امل في الاخد به من صناع القرار؟ هنا المشكلة كيف نلزمهم بحلول نحن على قناعة بها- لكن قد اسمعت لو ناديت .....
تحياتي ومودتي صديقي

[Ćat]

ههههههه لو راينا ينسمع زين بس نتكلم ومافي من يسمع بس شاطرين يتوسلون بغيرهم ويهدوون بالاضعف منهم الحمدالله والشكر
نغلس ولا نتكلم امممممم نفس الشي مافي اختلاف بالحالتين نتكلم مع جهله اخي^_^

[نرجس]

هههههههههه نصير خطافة مجرين اخرتها اووف شعب ودود

هههههههههههههههههههههه احسن حل صدوك اخي اني اريد اقتراحك انتة شتكول

[قناص المدينه]

الحل الوحيد الغاء البرلمان
ماشفنا منهم بس (الخمط والمصالح الشخصيه واذا صارت منازعات بينهم ثاني يوم متعرف شوكت تنفجر عليك سياره )
ويعيشون برفاهيه تفوق الخيال كل واحد منهم عنده بكل دوله منزل واموال طائله شنو مستفادين منهم ؟؟؟