هنا

[فقار الكرخي]

ملاحظة

هذه القصيدة نشرت سابقا
ولكن على شكل مقطع فيديو



مو ضد المرة حجاية بخت تنكال
اثق ببليس لكن ما اثق بيه
اليدور الستر يتعوذ النسوان
انه اول من حجاها وراح اسويه
موجودة الاصيلة المالفاها العيب
بس هيه المصيبة شلون تلكيه
تاهت بالبلد من طبلي الانترنيت
من صار الموبايل كعة ايديه
خل نعوف اللبس اصل الشرف بالروح
الشريفه الماتنزل روس اهاليه
وليسولفلي واحد عود زلمة وحوك
قافل بابها ومحد يمر بيه
اذا رادت تخونك لو تحطها ابير
طيحت شاربك تكدر تسويها
المشه ومرفوع راسه الزود لاخته يصير
الواجب كل صباح يبوس رجليه
ومن حق كل مرة تكمل دراسه تريد
الدور علم على الراس اخليه
كلية العلم مو ملتقى العشاق
علم تنطينه واحنا اخلاق ننطيها
تطلع من اهله الحشمه تملي العين
واذا وصلت قسمه شكد صبغ بيه
التحب كبل الزواج نكول عدها اهداف
تحلم بالزواج واسرة تبنيه
يا حوى العفو المزوجه ليش تخون
المزوجة وتصاحب شرد اسميه
نزعت مستحاها لخاطر اللذات
والاخ يشتغل ويخلي بيديه
بت اليل اشرف عندي من بت بيت
التندس بيتها من يغيب راعيه
الفرطت بالشرف لو تلبس القران
معناه اللثك شلي بمعاليه
طيحتن عكل ما شالها التاريخ
وفشلتن زلم نفخر بساميه
تره التزعل علي وتذمني عده اشكال
ما تزعل لون الكلته مو بيها
اكيد البت اصول اندك الها اجلال
والنترست ذنب ندعي الله يهديها




المبدع أثير التميمي

[متهمه بالغرور]

شــــــــــكرٱ لك
قصيده رائــــــــــــــــعـــــ ــــ. ولها اهداف ساميه

[مجنون الجوكر]

شكراااا

[محمد الساري]

شكرا لك عزيزي

[ضياء الصافي]

قصيدة جارحة
وفيها نوع من الظلم
تحيتي للنقل

[إبتسـامة فـــآترة]

قصيدة رائعة ...ربما ستوقظ نفوسا من غفلتها وتفريطها في شهواتها
شكرا اخي لجميل مانشرت

[المشتآق]

سلمت يدآك بما جآدت
إبدآع في غآية الروعة
للمزيد من جمآل الإبدآع وفن القصيد
تحيآتي ودعآئي
دمت محفوظاً تحرسك العنآية الآلهية

[حيدريه الهوى]

كلش حلوة عجبتني

[ابابيل]

صح كلمن ورأيه والحكم اراء
بس تعميم رأيك عالجميع اجحاف
واذا فوكي شفت جم غيمة منتشرات
مو معناه الغيم بكل سمه ينشاف
مو انصاف لمن تحسب النسوان
ما بيهن شريفة والخلك اصناف
الشرف ياخذ دروسه الاوله من نسوان
واذا ماكو الشريفة يعني ماكو اشراف

[ديره ورد]

ررررررررررررررررررررررررر رررروعه