تعال لخاطري مو جسمي لاحه الموت
تعال مو حتى دمعي عليك بجيته
ولو بالراي بيك وادري صار اثنين
واحد ليه و واحد للهك انطيته
تعال لخاطري مو جسمي لاحه الموت
تعال مو حتى دمعي عليك بجيته
ولو بالراي بيك وادري صار اثنين
واحد ليه و واحد للهك انطيته
لاتكشف جروحي الملح عنده عيون
خاف يعاين ويلجمهن بنضره
ولاتكسر غصن كدام عصفور
لان من عينه توكع هيبة الشجره
المايترس فراشه دموع گبل النوم
ماينحسب عاشگ حاله من حالي
العاشگ من صدگ ينحسب تالي الليل
من اگـله احجيلي عنه يكوم ينعالي
تره فراكك صعب ﻻتصدك يهون
واريد احجي سوالف حلوه عنك
خلها الناس عني تكول مجنون
اتباهى بجنوني الصار منك
مشيت وية الحزن من الصغر لليوم
وتحملتـة رغـــم طعناتــة لبظهري
وتكول الناس يضحك أبـــد مامهموم
مايدرون همـــي مخـــزن بصـــدري
لا تهم بالعمر خلصان...وحدة
وانا ضعني سرى بالهوى...وحدة
حلت جنها بعيونك غير ...وحدة
وكمت ما تجي وما تسأل علية
مشكلتي يوم العرس .... نتشابه احنه تــره ..
الزفوك انته بفرح .... ردوا نفسهم عليَ .. زفوني للمكَبــره
هم بديك جروح جايب من جديد ؟؟
وين احطهن جسمي قبط من زمان ..
راصفتهن حشك لجلك جي عزيز
عيب افشلك لازم الكالك مكان
ليش الينجرح من اقرب انسان
يشكي للغرب طعنة حبيببه
اذا هو اليحبك ما رحم بيك
عود ترحمك الناس الغريبه ؟؟؟
ذبيته الفرح كحلة بظلام الليل
ذبيته ونسيته وراح من بالي
لكوا غيري واجوا دكوا عليه لباب
الك هذا الفرح ؟ لا كلت مو مالي !!!