هنا

[تّـفـاَصيلـٓ]

رغم ميت حنانك باقـــــــي اتانيك
تستاهل احبك مو حجـــي السان
كلبك بــــــي مجال احجيلي وياه
بلكي وياي يرجــــــــع مثلما كان
احبك..كــــــــولها وروح الله وياك
دحجيها جذب هسة انت خسران

[تّـفـاَصيلـٓ]

روح براحتك عالعشره مامجبوووور أرجع للتحبه وعوفني بحااالــي
حسبالك أذل وأتوسلك بس عوود
ولك من عين باجر غيرك ألكَالي

[تّـفـاَصيلـٓ]

تعال وجيب كلبي الحمليته هموم..وعلى طاري عشكنه هواي عذبته...
انه مسامح جروحك روح الله وياك ...
وكل هم وعذاب بعشرتك شفته ..
عليمن علمتني وصرت محتار ...
اشك ؟أهدوم غدرك بالله ودعته.

[تّـفـاَصيلـٓ]

الذلة...مو نفترك...الذلة لمن تحس..عمرك ورق يحترك...
والذلة اكثر بعد..
بيبان عينك جمر..وانت بدمع تختنك

[تّـفـاَصيلـٓ]

شحلات الخوه لو صارت بالكلوب..
مو خوه حجي وكعده مصالح ..
واكو خوه تصح بس ماصخي تصير..
واكو يزامط جذب والحيل رايح ..
واكو يفزع الك بس هوه جذاب ..
واكو يشك الجفن لو سمع صايح

[تّـفـاَصيلـٓ]

اشو تمشي على كيفك.. ليش تعبان؟واجاوبهم بكلبي.. ودمعة العين...
آنه امشي على كيفي موش تعبان...
اخاف بسرعه يخلص درب الحسين

[تّـفـاَصيلـٓ]

oday · Edited
الي يمكم
روحي يمكم
كلبي يمكم
وفكري يم ذيج السنين التعبتني وتعبتكم
وداعت الفقرة اليتامه
المااحب واحد يغثهم عيني متفارك صوركم
وداعت الدمعه البريئه الجلبت برموش عيني
البال مشغول بفكركم
ها اكلتو
ها شربتو
ها ضحكتو
ها اخاف الدمعة متعلمة اعله خدكم
طبع بناس الصبح فيروز تسمع
واني اسمع
بس تعالو
بس تعالو
وفرحو روحي العذبتي وعذبتكم
بالي يمكم
روحي يمكم
وروح كل شاعر فقير المات مامرتاح احبكم
وداعت الليل السهرته
وداعت الصفنه الطويله البيهه راحة بال شاعر
وداعت ابيات القصيدة الغافيه بحضن المشاعر
البال مشغول بفكركم

[تّـفـاَصيلـٓ]

مامعذور

رحت عني بلايه وداع مامعذور
جفيت ولاكلت ولا خذت مني الشور
مامعذور
الكلب بركان بعدك كل دقيقه يثور
جنت وياك خبزه وعاشكه التنور
مامعذور
جنت كعبه وعليك اندور
بس كلنه نحبك شوصرت مغرور
مامعذور
عمت عين الكلب جي ماعرف يختار
وانصاد بجمالك صيدت العصفور
مامجبور
شيجبرك بعد ياخاطري المكسور
من كد الدمع ضلت عيوني تغور
امام وضل يجدي الدمع
من كلمن يجيه يزور

[تّـفـاَصيلـٓ]

روح العب بعيد شجابــــــــك وياي
انه دربي طـــــــــويل يتعب هواي
زمانـــي الماخطاك شلون يخطيك
وانت الخطــــــوه الك بيه 12 راي
انه بكد ماعشت خلتني الهموم
عظم هدهد وفوجن عكس بلماي

[تّـفـاَصيلـٓ]

دلّيني عليك أسنين تايه بيكو امشي وياي ادورك خاطر أندلك
عرّفني اعله شخصك رايد احچي وياك
بس كلمه و بعد ما غيرهه انكلك
وحده ... من اثنين
أو وحده راح اختار
لو كلّك أحبّك
لو أحب كلّك
اسأل ليش احبك حته اگلك ليش
وليش شما تسوّي وياي أقبلّك
لحظة موت عمري اسنيني كلهن خوف
بس اوياك أأمّن لمّن أوصلّك
و انته آخر نفس واشگد عزيز أتصير
و بلحظة الموت تريدنه انملّك ... ؟؟
خيط عله الجرح باللحم صرت اوياي
لو كلّ الجروح اتطيب ما افلّك
تعرف كلشي بيّه و ما اعرف اشبيك
لغز حلّك ، لغز ، من يگدر ايحلّك ... ؟