ظنيت ما اشوفك بعد من شفت ضويات الدرب
يطفونهه شما تعتلگ
* * * *
ومن شفت شتلات الفرح.. مات الفرح
ومثلمه
والحزن صار اسنين ياكل بالعــــــــرگ
****
ورادوني مااشوفك ابد.. ضمو تصاويرك علي
واعلنو لازم نفـــترگ
* * * *
وشالوك حتى من الحلم!!
وحلمك يجيني بلا صور
وبـلا خلـــگ
ولمن افز.. يبجي الحلم.. واثنينه اعله الروس نتگابل ندگ
ورادوني مااشوفك ابد.. والعين مثل ام الولد..
وانته الولد
لمن اجت ..ماشافتك ..الجفن صار الزيج
گامت بيه تشگ
وياحال من بعدك عشت.. غصن وخذوني من الشجر
وذبوني يم نار الهجر..
واليوم باجر احترگ!!
وخلني اسولفلك بعد.. ياواهسي وغيرك منو؟والروح اجت مسودنه..
واشبگهه وي روحك شبگ
* * * *
لاتبچي اطيح ويه الدمع ..والروح اسويها نفس
ومناشغ اشهگني شهگ
* * * *
وبريتك يا ريتي ولمن اصيرلك نفس
لاخنگك ولا
اختنـــگ…!!
اذا لساع وجهك حاضن العينشيشلعك نضر..
بالعين صاير
* * * *
اسوي الصفنه صف واطبگ الباب
واسجلك غايب
بدرس المشاعر
ومن تخلص صفنتي وافتح الباب
عله عتبة صفنتي
الگاك حاضـر!!
* * * *
موسهله عليّ واتعلم بساع
وعله افراگك اصير
بسـاع شاطـر!!
* * * *
جرح بس اشمعزتك بين الجروح
خاطر لاتذل
ضلّيت اكابر …
* * * *
گمت كل يوم اگولن باجر انساك
ويجي باجر …
واگولن گلت باجر
ايام البعد جبناهه صفنــــات بيــــن آمالنه
وحيرت امرنه
تجي لوما تجي گضينا الأيام
وصرنه وياهو يدري
شلون صرنه؟!!
وعلى غيرك چذب ماترهم الروحومن غيرك يسد حاجة نظرنــه
يابن الناس غيرك…
ماكو موضوع…
وهلبت بالچذب شخصك ذكرنه
نسولف بيك…
لآخر لحظه بالليل
وترد من الصبح تشغل فكرنـــه
تعال الجرح..
جن ومارضه يهيد!!
وحچينه وياه ماينفع عذرنـــــه
يشگ روحه اعله
طوله وينكت جروح …
وگضينه اخيوطنه وملت ابرنه
شوكت يندگ علينه
ويضحك الباب…
ويترس بيتنه وصوتك يسرنه
وترد انته ويجن
الراحن وياك…
وتجيبه وياك يا لماخذعمرنه
تعال امسح ادموعك وارسم افراح على اعيونك وخدك والشفايف
ومعليك بحزن ذيچ المواضيع وراح اختارلك احلا السوالف
واعرفني وبعد لا تعرف الناس وانه وياك انساها الطوايف
ومعلينه بعد بالرايح وجاي ومعلينه ولو بس ابقه خايف
يا بو اشراع الترف يمهجج الريح اضمك وين من عين العواصف
تعال بروحي ابدلك شلي بالروح اجازف بيه وبيك وما اجازف
اشگد شايف عشگ واحبابنه هواي بس مثلك عشگ صدگ مشايف
يابو نضرة التكتل انت معذور اذا تكتل بشر لتگول اسف
