هنا

[تّـفـاَصيلـٓ]

يلفرگاك غربه وكلشي مامألوف ...

انه بلياك مدري شبيه مابيه ..

زلف وبلايه ترچيه ...
درب مابيه كل جيه...
نهر فاض وتبع ميه
رجع بس مالگاله اجروف
كون اتشوف
روحي شخله بيها الخوف
مطلوبه نذر وتخاف ...

ماتوصل حضرتك

من بعيــــــــــــــــــــــ ـــــد طوف

[تّـفـاَصيلـٓ]

اكثرت من. حب الحبيب حتى كدت اعبده ....راقت لي... صباحك خير

افااا ههه شدعووه نورتي يروحي
صباحكِ سعاده

[تّـفـاَصيلـٓ]

ويا وحشة صفوفي ومن يجيني الليل
ويالون الوجه
بعدك الضل مخطوف

[زمرد الشمري]

افااا ههه شدعووه نورتي يروحي
صباحكِ سعاده

هههههههه اني شعلية همه كاتبين هيج.... نورج ورددايه

[تّـفـاَصيلـٓ]

هههههههه اني شعلية همه كاتبين هيج.... نورج ورددايه

هههه حبيبي شكرا لحضورج

[تّـفـاَصيلـٓ]

كون الگاك واشكيلك
على جروحي الگيت
الغشمه بيها تروف
وكون الگاك وابجيلك واسوي خدودي سبوره
ودمعتي حروف

وكون الگاك واحجيلك
بكتاب السنين انحذف كلشي الچان
بس اسمك لگيته الباقي مامحذوف

واذكرك من مسحت دموعي
باخر يوم على خدودي
احس لهسه طبع اجفوف

[تّـفـاَصيلـٓ]

واركض بالعكس لوبيه دار الكون
اصير آنه اليهد
والناس مشحوتــه..!!
واگول الموت عز وعيشة الأحرار
موشغلة اماني…
وكلمه مكبوتـــــــه
وهنيالي من اموتن واخلص من الموت
واشيل آنه
انه واركض بتابوتـه…
واصيرن خوف اخوّف وآنه عايش موت
واشحده اليجيني
واهجم بيوتــه…
ميتين المگابر ما تشيل اسيـــــــــوف!!
بس جيب اليطب
بليل للموتــــه
خليني اعله حالي وارضه اصيرن ليل
ومن يدري..
اشيظم الليل بسكوته؟!!

[تّـفـاَصيلـٓ]

مرات البشر بعيونه حجيه يصيـــــــر
مو كل السوالف واضحه بصوته
التماثيل بطبعهه
الخرس والصفنــــات
وتحچي اشگد معاني
وهيه منحوته ..

[تّـفـاَصيلـٓ]

الحر حر الطبع لتغرك الأشكال
وميذل العبد
لو مارضع ذله…
لدّور نزاهه بروح مثل ابليس
اتگلبه اشماتگلبه
بكل طرف خلّه
* * * *
تره الطيب گلب لوروحه دوله وجيش
والله بكلمه طيبه
بلحظه تحتــله!!

[تّـفـاَصيلـٓ]

صوتـك
صوتك ندهني او مو حلم
وفزيت من نومي
وگلت..
مو صدگ لايمكن صدگ!!
والروح وي صوتك مشت
وناديت
والخطوه ابعدت..
والصوت وي مشي الجدم
*من ينلحگ.. ما ينلحگ ..
وعالأثر نمشي اعله الأثر..
والشوگ سابگنه سبگ
والگلب لم روحه واجه..
ودگاته احسهه بلا وعي..
مو مثل يوميه يـــدگ !!