جنه الروح أختي مبدعه انتي
عزيزتي شكرا نورتينيالمشاركة الأصلية كتبت بواسطة محبه الزهراء
شمس هجرك ولتني __ هايمكفاياجي , وتدري بطعنتك __ هايمكفاي
وروح الـــمات , بالفركَة
بجيت بدمعة مختنكَة
نطرتك شجرة للوركَة
اشتهيتك جفني للطبكَة
شهكَتك شهكَة محتركَة
ذكرتك ضحكة بالملكَة
الهوى خلصته بالشبكَة
الحسرة من الهجر زركَة
ورغم كل حجيي متصدكَة
ورغم ظهري انكَلب دركَة
بـيـوم الـجـيـت كـتـلك __ هايمكفاي
بـطول اجفاك سيف انجخت بية
قست ادروس جنت انطر .تحلين.
حرمتي عليه والغيري تحلين.
يم اعيون
بيهن لون
ابد ميخون
بس اشلون
كلبج ذيب
عشكتج من زغر الشيب
خنتي وما اخونج عيب
سهمج بيه بعدة يصيب
اموت وصورتج متغيب
بسب عوزي وفقر بل حال
احبج خذج المال رضيتي بحلقت التاجر
جرعتيلج كلب حمال يشم بركبتج وانة على ركبتي يلف احبال
شعرج طال
ذب الشال
وكباله تحلين
ونفس شالج مشانق صار الي
تــعـب هــم البــالــي وزاد ونــاي
خفاني وگمت اسل بلروح ونــاي
خيـــال او بـتت بدروبك
نــايـم وانـطـر اطيـوفـك
حلفت للمــوت ماعوفك
لــون بحلــم ونشــوفك
شــوكت يفـلان ملكانه
لشوفك روحي ولهــانه
مــثــل ايــتـــام خــلانه
الشماته فرحت او انه
الك بگليبي دبچت حــزن ونــاي
جـرح فـرگـاك يلمبعـد عليه
ماترهم بعد تتمشة وياي
ابد متلوك ايدك بين ادية
كاتبلك بوذيه وبيهة اون حيل
لحد ماشيبت قفل البوذيه
ظل كلبي يصيحن صاح ياصاح
وياصيح ولك ونات ياصاح
صح اتكلي حبك غلط ياصاح
المن بيك واتطيح انتة بيه
من كد مارفعت براسي ليفوك
يم جدمي احس نجم الثرية
وراح اختم كلامي بدارمي اهداء
الى روحك النكرت كلشي بيه
بدعت حيل هواي بالعشرة خنجر
عادي ومشيت وياي وي غيري تعثر
عفتني وراي بعــدك كًام .......خمراي
براسي وصار لون الثلج ........خمراي
اشربت فنجان كًهوه وكاس ....خمراي
بشر صاحي وبشر سكران بيه
ما لازم فرح كون اليحب مذلول
وبشوفة عيونك عاليحبها إتـْمِنْ
انا ابروحي اليتم من لحظة الميلاد
وشيكلف اليتيم الحزن من يحزِن
حريجه ابنص سلف يــاناس داوين
او سوالــف بس علي بالظيم داوين
اجفوف الجنت اودهــه الغير داوين
والي بصك وعمـــــــه يدعن عليه
