يالطبعك نحل لو عسل لو لدغات
ياهي التصح منك ما نرجعها
روحي معلعلة وما صدگت تلكاك
صدگ حتى اذيتك يعني تنفعها
نور النور نورك شاشعل الملگاك
روحي اتحيرة يا حجة تصنعها
اعلگلك شمع عشرة اشتضن تفيد
اخلي اضلوعي مشعولة اوية اصابعها
ومثل شعرة اصبحت واثنينة مجانين
ما تگطعها بيد انه اگطعها
لاتطلب طلب بس گلي اتمنيت
ولك.. انه. بخدمتك عيني اشلعها
وما ازعلك ابد ولو بالشقة اتشاقيت
مثل بايد الخيط الدنية اگطعها
وقبل لتمر عليه بشهر كون تكول
حتى الگاع مدري الگاع شزرعها
متناسبني كًلي
ساكت شرد اگلك
هو ضل السان
عندي وبيه اسولف واعترف معجب
حطني كبال عينك من تروح بعيد .. حب الي يحبك والنساك انساه ....
اخذت وياك كلشي ... وعفت كووووومه تراب ..
اخذت الروح ..
اخذت الحيل ...
اخذت البال ...
اخذت الجاه..
واخذ كولشي التريده ..شماردت مرخوص .
بس .. عوف (الامل) مااااا اكدر بليــااااه ..
دمعتي بنيه فصليه بعرسها اتطيح
وضميرك زلـمه كافر ايده والطكه
لتلوم من اذب روحي عله يا هـو الجان
ترى الفاكـد اهل نسمة هوى تخنكه
العايش بالظلام وعينه عالشباج
يركض عالضوه اليدخله ويشبكه
شلون ارسم فراشه وفوك راسي غراب؟؟
شيفهم بالترافه الروحه مختنكه
سألوني شعجب ما تكتب اشعار
وتذكر بالشعر كلمن تريده
شأكلهم وانت شاعل بالكلب نار
وروحي من البعد صارت قصيده
انا بفركاك نخله بشحة الماي
من كثر العطش صارت جريده
وكف كلبي بغيابك ما عِرف ليش
اثاري انت طلعت كاطع وريده
كل ليلة اهز بالروح الف كاروكوينام الليل كله وروحي ما تغمض
واسمع ياس يغني بروحي غنوة ليل
تخلي الليل ينزف والنجم يكتض
اهدن ياجرح؟ياجرح اشده اليوم
شديت شكثر بس مانفع شدي
انا صبري نفذ مااحتمل لوعات
منو شايل حزن ياناس من كدي
شمالك يازمن عندك عداوه وياي؟
هم شايف غلط فد يوم من عندي؟
فهمني بصراحه انطيني اي اسباب
كلبي بحزنه ون.وهنا وصل حدي
صرت نهر المحبه وناسي تغرف بيه
والمد مستواي ومااسد سدي
جا ليش البخت يمشي بعكس ممشاي
وليش الهم صفالي ودمعتي بخدي
ودااعا يافرح ماأضن بعد الكاك
الك مني تحيه والك كل ودي
صور, ذكره, رسائل, درب منه مشيت ..تصنف حجر عثره بوجه قافلتي ..
بعقلي الباطن انتَ الوحدك موجود ..
عقلي الظاهر اصدقاني عائلتي ..
انه ناسيك لكن ناسي كلشي وياك !!
فدوه ارجع علي رجعلي ذاكرتي ..
كافي لخاطر الله ..شجابها؟ وشتريد؟
انه موشل سنين ورجلي بالحفره
اجت فرحانه كالت صار عندي وليد
كلت عندي جرح تقريبا بعمره
حجر خطوتها..تمشي..براسي تجدح نار
وانه براسي حطب وافكاري موخضره
اجت وياها واحد حيل موخيال
شكلك مهرة..لا خاف اظلم المهرة
عفتها فلانه..لكن رجعت ام فلان
انه مودع نهر..رجعتلي بس كطرة
اجت وكماط ابنها..وشعري نفس اللون
كسرتني..الجنت خاطرها مااكسره
الانحازلها حتى من ارد انام الليل
احطها بعيني..واطرد كل حلم برة
الي وياها موقف مااسولف بيه
بيه حتى الابو..من ابنه يتبره
من جوه احترك..بس سكتت مجبور
ساكت..والبخور سوالفه بعطره
موصوج الملح..عمي الخلل بالناس
الملح لو بي خلل..جا غزرت العشره
عشت واقع صعب...ستر الله عالكابوس
كصيبة خوف...ويه ضلوعي منضفرة
وصفار الب الوجه..ردت فعل هجران
من اباوع وجهي احس الكصبه موصفره.. —
كبل جانت محنه وناس توصل ناس
وطاسة ماي جانت عدهم تغزر
عكست والنهر يطلب من الناعور
والخبزة بعد ما كامت تشور
قل الوفه من علت شمس العوز
وضم راسه البخت والعاهر تشور
حقهه الفوس تعمه وتحضن الزنجار
العصي صارت حديد وكامت تطبر
كاع الفاض ميهه ونشف منهه بساع
من يشتد عطشهه من الوفه تفطر
