دارميات , دارميات عراقية , دارمي , دارميات 2015 , دارميات حزن جديده ,
ابني انه فوك الطين واتحدى ماطيح
مو من رمل ويطيح ساسي انه تسليح
****
نبته وغصن مكسور وبشحة الماي
هذا انه حالي وياك من تكطع وياي
****
حبتك هاي الروح ماتحب غيرك
اتمنه يمي اتصير واشتم عبيرك
****
قسمه وقدر مكتوب انه هويتك
بعت العمر بتراب لمن شريتك
****
اتباها من اتفوت واصرخ بأسمك
مايمشي فوك الكاع عالكلب جدمك
****
ردتك حقيقه اتصير ماتمر ذكره
ومن حسنك الفتان تستحي العذره
****
مشيتك مشية ريم بيك انه هايم
تهده يبعد الروح وارحم الوادم
****
صحبتنا ماتفترك مثل الجرف والماي
وبطبعك انت اصبحت مد وجزر وياي
****
ماابيعك انا برخص ولصحبتك شراي
هم انت مره سمعت بالجرف عاف الماي
****
كلمن يكول انساك ينهجم بيتة
ويضحك عليك الكال اسمك نسيتة
كلش كرهة الروح كمت احسد المات *** اتورجوا عالحال اهواي شمات
افرض ولو مليت من عشرتي وياك *** دور صديق يطيح مثلي عالبلواك
لاجرح لاجرحين لاهنه ميه *** شما اضمد اللجمات تبقه الاذيه
طحت وصرت بجفاك مابين الثنين *** ونت كلب محتام ومكاطر العين
ونه اعله ونه اعليك كضيته عمري *** عنك يظل لاوين مبعدني دهري
خلصت عمري وياك ها باجر يعود *** تالها جف الغير يلعب بالجععود
اني بكد رحمة الله الك اشتاك
وجذب فد يوم تخلص رحمة الله
تعيش ابداخلي صورتك لليوم..
كطعت الماي كلش خاف تتبلل
صورت طعنتك ضلت فقط تذكار
شلتها بكلبي خاف دكول ناسيها
ما ردنه العتب عالقسمه والمـكـــتوب
بس ردنه الوداع شــــــويه يتــــأخـــر.,.,
شكد رخيص الملح لمن تشتريه ....
بس يسوه ذهـــــب لمن يـــــغزر.,.,
أسكت ياشعب لا ما يجيك الخير
أمس حتى البطاقة ومنك اخذوها
حروب شكثر خلصت صدك هواي ...
بس حرب الشماته شوكت تخلص ؟؟؟
الوجهة محترك يكدر يحاجي الناس
بس شلون يحجي المحترك كلبة
شككت الصور حتى اكدر انساك ..
وعلى اعنادي الكلب سواك خلفيه
الملك انة الاعرفة وما حنيت الـراس
مو مثلك ادنك لو شفت بس تاج
صـرت مثل الثــواب اتــوزع ابمــاعــون
تأكــلني الشــماتـه واتــكول مو طـــيب
علـــــــــــــــــــــى الضــــــــــــــحكات كــــمت اخذ تمــــــارين
لان شـــــــــــــــفتي نســــــــــت من تضــــــــــحك شلــــون
النظر الغير وجهك يعتبر تبذير
والساعه اللي بدونك ساعه السودة
منقول
رد مع اقتباس
