ابوذيات عن الوطن الجريح (العراق)
سيف الغدر بركبتــــي.....يسنه
ومن عنده المحت نظره....يسنه
اريد اسأل عن الشيعه.....يسنه
واناشد كل عراقي البيه حميه
اناشد كل عراقي وبيه.......شاره
نريد العدو بس كفيان......شاره
اخوك ولا تكول احاه......شاره
ومن عنده استدل ضد البليه
ومن عنده استدل شورك.....ورشده
عينه ايرجع افكــــــاره......ورشده
بعزم الله تخلص شـده......ورشده
تزيل اهموم من هم العليه
تزيح اهموم من همك.......وهمهم
اذا راد العدو ينـــولك.....وهمهم
اخوتك للدرب دلهـــم.....وهمهم
اغرزه بعين كل حاقد اليه
اغرزه بعين كل حاقد......وغادر
سيفك بالحرب صندل.....وغادر
اليه اعتاب عل السافر....وغادر
وصيتي اخواني الكلهم سويه
تركت اوصيتي البـــلد......بيهم
كلبي امفارك ومحزون..... بيهم
هام الكلب طول العمر .....بيهم
ابو الحسنين واولاد الزجيه
ابو الحسنين هام الكلب.....والروح
وحبهم فرض ليه الوسن.....والروح
شلنه بالاجو هل اليــوم......والروح
المهم حب الولي واله ونبيه
المهم حب الولي ونهجه....ودينه
والهم لازم انـــأدي........ودينه
نعرف حيدر بحكـــمه....ودينه
ونشرح للملئ فضل الزجيه
واشرح للبشر علمك .........ولينه
السماحه اتكون وبجاهك....ولينه
ندري شما يطول عمري.....ولينه
بس خير العمل باقي اليه
بس خير العمل باقــــي......لااجلنه
العرف مقدار للشي،،،عه.....لااجلنه
الخمسه اهل الكسه العتره....لااجلنه
وجدهم ربك لهادي البريه
ترابي
ـــــــــــ
عزيز الوطن واعشك ــــــ تـــرابي
وتضل للبلد عينـــــــي ـــــ تــــرابي
العراق اسرار وهوايه ـــــ تــــرابي
رجال ابطال من نفـــــــس الهـــويه
..............................
بلاداي
ـــــــــــــ
جريح الوطن ينـــــــزف ــــ بلاداي
وجثيره اجيوش هلطبت ـــ بلاداي
اقاتل لو صـرت عاجز ـــــ بلاداي
مثل عباس بارض الغاضـــــــريه
..............................
ضهرنه
ــــــــــــ
ثكيل الحمل حدب ـــــــــ ضهرنــه
ولامره التعب احنه ــــــــ ضهرنه
ابشهر تموز يامحله ـــــــ ضهرنه
حرارتها تصــــــــــل حد السبعميه
..............................
رجاءا اخواني واخواتي اذا الشعر يزعجكم
لا تعلقون تعليقات عن الطائفية رجاااااااااااءا
شكراااااااا
معاَ لعراق اجمل....:)
رد مع اقتباس
لسانج