هنا

[روان حسين الساعدي]

​حيالله الشباب والشابات

صغار كبار

زلم ونسوان

طبعا اكو شغله من اسمعهه اني شخصيا

اتخبل واعصب

وهي انه من يحجي واحد اكبر منك سننا مثلا عمره بل50
او نهاية الأربعين


يكلك شلون جيل هذا ؟؟؟؟

جيلنه وين جان
؟؟؟

ووين جنه ووين هسه انتوا !!!!

يسويلك جيله

المهم اني من وجهة نضري ماشوف اي اختلاف


بين الأجيال القديمة والحديثه لكن الي اشوفه

انه قبل كلشي جان ينضم لأن ماكو لا نت لا موبايل

لا تصوير فمن تصير مسكورة متتوثق بس هسه

تتوثق وانته متدري!!!!!


بعد هاي المقدمه اطرح عليكم كم سؤال!!!!

للنقاش حول هذا الموضوع انه الجيل القديم ينتقد الجيل الحديث؟؟



هل تعتقد انه هذا الجيل الجديد (الشباب) اقل ثقافة وتعلم من الجيل القديم؟؟؟؟


هل تعتقد انه الجيل القديم افضل من جيل الشباب اليوم؟؟؟

اذا افضل بشنو افضل؟؟؟ يعني شنو الأنجازات الي قدمهه

ومديكدر جيل الشباب يقدمهه اليوم؟؟؟


من المسؤل عن ماحدث في البلد؟؟؟
هل الشباب بلمودات الجديده سبب الخراب؟؟؟
اما القدماء بلأفكار العتيكه هعع؟؟
لو الأرهاب والوضع العام؟؟؟

لو خيروك بين جيل يوم وجيل امس شتختار؟؟؟؟

ليش بعض الناس ميؤمن بتطور وعصر الأنترنت
والعلاقات والتوجه العلماني؟؟


وتحياتي الكم
اسف علأطاله

[أغرد بهمس]

الجيل القديم اقل خبرة وتطور من الجيل الحالي
الجيل القديم اكثر صدقا واكثر طيبة من الجيل الحديث
الجيل الحديث روحة بخشمة وميتحاجة على عكس الجيل القديم
الجيل القديم مثقف لكن اقل من الحالي ﻻن كانت المعلومة من الصعب الحصول عليها
الجيل الحالي بسهولة يحصل على المعلومة
لكل جيل جمالية خاصة
ولكل قاعدة شواذ
شكرا لك

[اوسو$]

اوﻻ شكرا لك ثانيا الجيل الحالي الاكثريه اساءوا استخدام
التطور والنت من وجهة نظري الجيل القديم احسن تحكمهم قوانين وعقائد موهسه فوضى

[ضياء الصافي]

طبعا حسب نظري الجيل القديم تحيطه النزاهة والطيبة والفطرة
الشيء الثاني يدخل على بيت صديقه كأنما يدخل الى أهلهِ
عكس الجيل الحديث يدخل وعيونه تزورك
اما شغلة الثقافة فالجيل القديم رغم التطور البسيط فثقافتهم افضل بكثير
من ثقافة هذا الوقت..
لان هذا الجيل كاعد يطور بما هم اكتشفوه
يعني عليه بس يمكيجها ويزفها

[Laraa]

الاناس تتغير وفقاً لما يطرأ عليهم من تغيرات
من المستحيل ان يبقى شيء على حالهِ قرابة 30 عام ( وهي فترة الجيل )
والذي حصل بين الاجيال طفرة عميقة جداً في الافكار
مابين اليوم والامس
وتغيرات اليوم مختلفة تماماً عما تربى عليه المجتمع لذلك
ينتقد الجيل القديم جيل اليوم ويصعب عليه تقبل ما يحصل
والسبب في ذلك هو الالتزام و الرزانة وبُعد الرؤيا وبالتالي استخدامهم
للتطور يُبنى على هذا الاساس وهذا لايعني انهم ينتقدون التطور او يرفضوه
انما هم يرفضون استخدامه السيء اللامبالي من قبل الجيل الحديث
تحياتي لكِ

[رجل كل العصور]

لايوجد جيل افضل من جيل بصوره مطلقه
الزمن والتجربه والخبره هى من تحدد ذلك


شكرا لك

[Noor M. Hassan]

طبعا الجيل القديم احلى وأفضل من الحالي لأنهم أنقى ومشاعرها صافية، ناس مثل ما نكول بلهجتنا العراقية على غرة الله وفي كل زمان هنالك الصالح والفاسد ولكن الصلاح كان هو الغالب في تلك الفترة و طبعا هم اكثر ثقافة من الجيل الحالي و لو خيرت لاخترت ان آكون من جيل الأمس اما التطور فهو موجود في كل عصر و زمان فلكل عصر ملامح للتطور ولكن ابحث عن الأخلاق و شكرًا للموضوع