جسمي مستغرب رحيلك
جسمي مستغرب رحيلك
وآنـــــي مزروع بأيديــك
رحت راح تصوغ كائــــن
والله ميت مو عليـــك
جان بيك يتاني ثغــــرة
بلكي ترمشلة ويعيش
وهسه بوابــــة حياتك
فتحت بأحضانة ليش
وآني يمك جرحي اعمى
منذ آلاف العيـــــــــــون
ما أحس بأوجاع غدرك
بس يعانقني الجنون
من تمر صورة أظفــــــرك
تمشي فوكَ خدودة وردة
لمن أصفن وألكَة زندك
حايك براســـــة المخدة
دور سنيني بثيابـــــــك
تلكَة ايامي أصطفاف
جن أرامل ترجـــــو منك
ترجع بهيئـــــــــة زفاف
الثلج سد ذكرياتـــــــي
بالله شخبار اللحــــــاف
الدفو النام علــــــة طولك
ماخذ من ضلوعي ساف
جردت روحي بصفنتـــي
وبس نبي عايش فراغي
من أعيش وياك صفنـــة
أسمع الصخرة تناغي
هيج من تمـــــــر طعنتك
الله أحس يحجي بدماغي
يكَلي أصبر.. يكَلي أنسى..
ربي شنسى؟؟ ربي مو انته تحب
ربي من احضـــــان عطفك
حبك تعلمــــــت أحب
ياألهي الحب أريـــــــــدة
و زرف أبرة الكَلب ضاكَ
ربي يا أنسان أعرفــــة
عايش بقصـــــة فراكَ
كَلت أسوي براسي حادث
بلكي أفقـــــد ذكرياتي
لا ملازم جانـــــي يركض
طيفك وفاقـــــد حياتي
يستحي وماجاب عمري
جاني شايل لون وجهك
احمر من الضحكة وأنكر
لا جذب واحد يشبهك
شكَد مآسي حجيت بيهه
بس مكَتلي شلون أكرهك
بس كَلتلي شلون أدمع
وأهدم أركـــــان الهدوء
بموقفك دمع اليتامـــــــة
بعيني طب يطلب لجوء
م
رد مع اقتباس
