هنا

[فقار الكرخي]

الصبح كعديت ما اكدر اشوووف
اعيوني ماهن باقي منهن بس رسم
دورت بفراشي عنهن مالكيت
وين راحن بس اريدن افتهم
فجأة لن إمخدتي صاحت تعال
عيونك اندليتهن لتظل تهم
البارحة من سير عليك الحبيب
وانت نايم انه شفتك مبتسم
ومن مشه عنك الطيف البيه اجااك
عاينتهن صعدن بجنح الحلم





وحك فركاك ماظل كل صبر بالروح.
بنفس شايب عشت والضحكه منسيه.
اون ون الثكاله الفاكدات اولاد.
وأجر حسرة يتيمه ومشت فصليه.
صفتي بطول نوم اهل الكهف مرتين.
بحيث انه من افز تراب احس بيه.
وحالي عليك حال ام وتهز كاروك.
فارغ الكلب متروس حنيه.




لتكول الزمن مو زين هيه الناس مو زينه!!

ولا تسأل بعد وتكول جا وينه الوفه وينه!!

مدفون الوفه وتلكاه ويه اكبور اهالينه!

تدوخك طينة ابنادم و ما تعرفهه ياطينه!

ويا رحمة البعد ضلت اثنين وما تصافينه!

طحنه وحشمينه الناس كلها اتصيح شعلينه!





ليش تگلي احبگ وانته مـــــا حبيت
وانه شگد غشيم وصدگت حبـــــگ
جنت ابعيني اشــــوفگ اجمل من الكون
ثاريه القناع الخـــــــافي بيه وجهگ
دور الحب لعبته ومثلت ويــــــاي
گـــــافي الدور خلص انزع اقنعتگ
اوراقك انگشفن وبين المستـــــــور
وجنت انـه الضحيه بهـــــاي سالفتگ




شلت نون الحنان وياي ومشيت
وعزف صوت الموادع بأعذب الحان
أحن علة المظة من ايامي وياك
وكولن راح ذاك الجان مــــاجان
انة بتالي الليالي هواي ونيت
سجين وطاح بين جفوف سجان
... غلطتي وياك من سلمتك الروح
وانتة بروحتك ويــــاي غلطان




اكدر ادكن وتد بشفاه ورديه
خايف عل الحمره تصبح رماديه
وتسيل من الحلك بوسات البنيه
خايف اقترب واصير من الحراميه
شيخلصني من الوطن يعاتبني يوميه
ويكلي هم عندك وفى تخون العراقيه
الخاين معروف النسب عند السياسيه
باعونا باارخص ثمن لابن اليهوديه




تعبت من السهر والسهر هم تعبان
كلي شوكت يخلص ياترف ليلك
شعلت النار بيــه وجيت أطفي النار
رجعت أنته إشعلتها تريد أضويلك
عشكتك لاتذلني . إحسبها زين أرجوك
ماريد اني أظل لوحدي أضحيلك



وهسه اني طفل ما يعرف يضم اسرار
وتلكه البلكََلب بسرعة على لساني
أحبك كلمه ما تستحقــــــــــهه والله
لأن كلمة احبك ما تروي وجداني
وماتهمني حروف الكلمه من تنكَال
بس همني الفعل وشتحمل معـاني
لأن انه من أحب اختلف عن الناس
وما اكَلك طبع ولا سر ربانــــــي
ولا اكَلك ملاك اني يفــــــــــــــلان




بييه شكد حزن ماسولفتلك بي
وبييه شكد قهر يحرث ارض عيني
يطش بذوره ليل وبالسواجي هموم
وناعور الدمع لساعه يسكيني
خفيت جروحي كلهه وصبخه هسه العين
شما تزرع بعد ميخضر بطيني




جنت اضحك واسولـــــــــف ويا هذا وذاك
على غفلة ولگيت الناس كلها تجــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كلبي شكثر عذبــــــــــــتك انت ويــــــاي
احس كلبي على كلبي من الحزن مفطور





واللــــه تعّبنــــه النشــد والدنيـــه ليـــل
وگـــاع صبخـه و گلنــه نـــزرع روحنــه...
سهــام إجتنـه مفرفحــه بســد الحَمَــام
واحـــد يمــــر وعشيــــره تلــوحنــــه....
وطبـــع بـبـنــادم يـــدوّر عـــن طبيــب
وحيــدر اَوّل بشــر يقـــره جروحنـــه....






ابجـــــــــــي اني من اذكرك تعرف اشلون
مثل طفل وتيتم ليلة العيــــــــــــــــــد
وجه عنده يخوف لــــــــــــــــــــــــ ـــيل الفراك
بجثث عشاك مليانه التجاعيــــــــــــــــــ ــد
اخذ من اذكرك دور تمثــــــــــــــــــــــ ـــــــــال
نحت جنها اعلى خدي مثبته الأيــــــــــــــــد
وجه ماي انته جرحك يعتك شـــــــــــــــــــــلون
رطب يبقه اشمراد افراكك ايزيــــــــــــــــــد




مـــو لجـــروحــي .... تعـــال الخـــاطر الشـيــب
غيـــر كــل مــــــلامـح وجهــــــي بجفـــــــــاك
تعــال ومــن تجـــي تلـكـانـــــــي تمثــــــــــال
واكـــف فــاتـح آيــــــدي لحضـــن ملكــــــــــاك
خــايف كبـــل جيتـــك يوصــــــل المــــــــــــوت
شكلــه انتظــــــر خـاطــر التقـــي ويـــــــــــاك





بده بنفـس الصراع الفكــر وي الـــذات
وخيول افكاري هدت سور وجــدانـــي
وخسر جيش العواطف وانسحب مهزوم
ورفع رايــه العقل فلتسـتقط احــــزاني
صفناتي سهــم تخترق صـــدر الليــل
وورث مشتهاتي بنـــــــــار حرمانـــي
وادخن بالسنيـــن وتحتــــرك ذكـــــراك
واشتم ذكرياتـــك بيـــــن دخانــــــــي

[abas satar]

رووووووعه

[تّـفـاَصيلـٓ]

هالله هالله روعات … .:$

[فقار الكرخي]

نورتو الموضوع

[الشاعر عمر العبيدي]

الله عاشت ايدك

[فقار الكرخي]

نورت حبي