تذكرتك حبيبي...
تذكرتك حبيبي والقلب طاح
سألت القفص عنه وكل يم جوفه
لكيت الكبد صافن دايخ ومحتار
وجن طكت عليهم عبوه مسكوفه
كتله شبيك تبجي وكلي شنهو الصار
كال القلب يبجي وترك معزوفه
دليني ع قلبك خلي نحجي وياه
خلي نشوف قصته ونفهم ظروفه
حاجيت القلب والدمع منه يسيل
وجن الدمع نار وتحرك جفوفه
كتله بيا ذنب تعمل بنفسك هيج
يا قلب العشكته وضاعت حروفه
ردلي بصوت محزن كال بالشريان
ياشريان ..قلبي نسيت معروفه
نسيت شكد سهر لجلك وما خلاك
وغذاك بحنينه وكال ماعوفه
وبساعة الرادك ماوكفت وياه
ولا كلت القلب معتازنه نشوفه
اجت جنها حمامه مفاركه الكيعان
تتمنى ترد لعشها وتشوفه
ولمستك بهيده ورادت داويك
ولمستها تحط الانبار بالكوفه
ما اعتب عليك من حقك انته تخاف
شيفيد العتب والجره مزروفه
بقلمي... ولو قصتها معقده شويه بس اتمنى ان تنال اعجابكم
رد مع اقتباس
