هنا

[ملاك الاحساس]

حلو وكت الملاكة وياك ابويه حسين
عيني ع المناير صارت ربيه
كرب يوم المسير وجدمي شد حزام
ومن هسا تحفه وعاقد النية
انا بيه مشي ظميته من العام
استحي رجلي بطريقك تثكل شويه
اكصر خطوتي منتمشه ويه الناس
حتى اخزن مشي للاربعينية
زينب عاودت رجليه ماتمشين
الماتمشي ويه زينب موش رجلية
حسين حسين كل عام منزوره استحي منوصل ليك
لامكطوع راسي ولاكو شيبيه
لجن هالمره مملوحله الزيارة وياك
السنه من راح اطبلك روحي مرضيه
ابدال القاسم نطيتك اجم عريس
ازفلك للمنايا طيور يوميه
هدينالك زلم كد الجروح البيك
وفي وربيتنه شتطلع التربية
انت انطيتنه1700 جروح
وانا انطيتك شباب1700-
مو قصدي المساوم يا حسين وياك
يابويه انت الهوايه واني الشويه
ياشيخ ومن مضيفك كبر جبرائيل
الف كيلو سفرتك تنفرش كل عام
وسفرة خُمس مو سفرة حرامية
السفرة البربيعينك تبدي من الفاو
ولحد ما تطخ بالقبه الحسينية
السفرة البربعينك مو طحين .. أخلاق
وباخلاقك كَلت حتى المسيحية
المشاي اليطبلك ماتصبله الزاد
تصبله كلاص غيره وطاسه حنية
الغيرة المالحه الغَزرت بيه وجيت
وفزعنه علشباجك فزعه عربيه
ركضنالك مدافع راس عد الراس
على فرد عكال وي فزعت الخاجية
معازيب الدرب لا ماوكفنه يصيح
المن طابخين وننتظر جيه
وابو الموكب يصيح هنا اليوم انبات
ومن هذا الفرع نغبش الصبحية
هنا نكعد نصلي هناك نشرب جاي
والعطشان ينزل يشرب أمييه
هموا ارواحكم ياولادي خلي نكوم
بالموكب الثاني انسوي تعزززيه
والرادود يقره وتلطم الزهراء
ومشدهويين وي نبرة نعااويه
جن مرت سواده ولنهه غيمة نوك
ضعن بي ريحة الله وثورة بنيه
هاي انتي يازينب شو مأسره الجيش
وماكوا حبال بيدج وشو قيادية
كالوهه انسبيتي وكلت لاعيب
غير السمه توكع المسبيه
يطكونج عفه ماتنطك الهليوم
احتراما الج ماتنطك العلويه
ولكن ارد اسئلج لاكن بدون احراج
اكو بضعنج يازينب نقص بوشيه
شفتهه تحسرت وانهدم ضهر النوك
صاحت ااااي اااي رقيه وياي ما هيه
شهكت ع النحر واسمعهه هجي تكول
سلميلي ياعمه ع للبجه عَليه
سلملي ع المشايه عمه بعون
وانخيهم بهاي بنخوة بدويه
بس كليلهم شيعه .. رقيه دكول ماشفتولكم بالدرب ترجيه
كذا من الشام زينب بعد لاترجعين
انتي البلاصل زينب عراقية
الوطن محتاج خدرج ظلي ي ام عباس
ونطلعلج اقامة وحتى جنسية
وهسا خل نزتج يم اخوج حسين
اكيد هواي مشتاكه ع لطاريه
وعلى حر الجمر كاعدلج العباس
حط زنده ع لخده ومنظر جيه
ماتحمل يتانج ع الشباج
على الكبه وكف بالاربعينيه
يازينب كون نوصل للصحن هوسات
ونطب لحسين بالهوسه الجنوبيه
حسين استقبل زينب ردت تسحل باهل الشام
حسين استقبل زينب ردت تسحل باهل الشام

[زلال الصافي]

[ملاك الاحساس]

شكرا لمرورك العبق يازلال
تحيتي

[نٌوِنٌۂ ٱلبّصِرٱوِيّۂ]

شكرا

[ملاك الاحساس]

شكرا

الشكر لمرورك الجميل يا قطر الندى
تحيتي