راح أشكلك حكومه بيها أربع وزراء
راح أشكلك حكومه بيها أربع وزراء
أعتقد هالعدد يكفي
حتى مال الدوله يبقه أوينصرف عالفقراء
راح ألغي الداخليه والدفاع
أو ألغي حتى الكهرباء
هيه وين الكهرباء؟؟؟؟
قيس يستاهل وزير الحب,,,
وأبو الطيب وزير الشعراء
راح أجيبن بيتهوفن ,,
حتى أمنحنه وزير الموسيقى والغناء
وأمنح إشكسبير منصب
يستحق منصب وزير الأدباء
ظل بعد منصب أظنه واضح أو ما بيه خفاء
ظل بعد دولة رئيس الوزراء!!!!!!
إنصب الجاحظ عليه؟؟؟
إنخاف من البخلاء
نمنحه الفيكتور هيجو؟؟
أنخاف كلنه أنصبح من البؤساء
إشرايكم ننطيه هذا المنصب الأحدى النساء؟؟؟
أحذرو الخنساء خايف
و الله تكَضيها عليكم
بس نحيب أوبس رثاء
وإحنه محتاجين فرحه,,
إنريد ضحكه ,, والله ملينه البكاء
إشرايكم نختار ليلى ؟؟؟
هلبت إتهيم إبمحبة كل شعبها
مثل ما هامت إبقيس أو ظل محط إعجاب حبها
م
رد مع اقتباس
