هنا

[فقار الكرخي]

تلاگينه بنفس مشتاگ ومسابگ عله الشفه
ما نسمع نبض دلال جنها طبول اجت زفه
يا شوگ الملاگه
شكثر بيه الوان
نظرة عين
كض جفين
رف شفتين
وسوالف ورد يخدر عليها انسان
بيني وبينه جانت روح
من نبعد تموت النسمه بالبستان
اريد اشتم ضواك بشوف
اريد اتحنه بيك زلوف
اتبسم گبالك مثل كسرة ماي
من تنكض وجنته بگصبة المشحوف
دندلي بنظرتك صوت
غنيلي بحلاتك شوگ
اريد اخنگ خيوط الشال
اريد بشعرك الزم طوگ
ناس شگد شبه بالناس وجهك ماكو اليشبهه
كفر يالشفتك رمان ما واصل لحد لبهه
انه ادريهن شفافك بير
صايغلك شفافي اسرار
جا كونك تجي تذبهه



م

[محمد الدون]

حلووووو. .

[رسـيل_^]

رؤؤؤعه

[فقار الكرخي]

نورتو الموضوع .