خبلتيني
اشاقة وياج اتبجيني
اتذكر بيج وتنسيني
اوكف وانتظرج وانتظرج والگة العافاج ايتانيني
خبلتيني
انا اوليد
وانتي ابنيه
لعبتيني شگد حلية
انتي وياهم صورة وحايط
وانا وووينج
نفتر نفتر
حت الكاع اتكلي اتهدة وروح لبيتك خلي انام
خليتج بدموعي اتعيريني
خبلتيني
ما حسبالك شاعر شاب
حسبالك سمجه ازغيرنة
طلعوها من الحوض الشياب
شمو ريحتها وباسوها
خدرو كهوة ، وعزمو واحد فد جذاب
حت ايسولف والكعده اطول
مامش خشبه التشوي ظلوعي
جيمو بظلوع الحطاب
وانتي بنصهم جلمة طيبه
وانا السمجة اتعرفيني
خبلتيني
علي البديري
رد مع اقتباس
