هنا

[فقار الكرخي]

احمــــــــد ربك شما صابك مصاب
وعلى مصابك أنصحك ربك انخـــــــــــــــاه
..
وكل واحد يسألك عن الاحــــــوال
على كل حال گول الحمد للــــــــــــــــــه
..
درب الي تحســـــــه يدخلك النار
غلط هذا الدرب صدگني ممشــــــــــــــاه
..
واذا واحد تشوفــــه يخون بالناس
أيــــــــالك وبـــــالك تمشي ويـــــــــــــاه
..
مـــــــو كفره اذا تنساهه دنياك
لكن ذكر ربــــــــــك كفره تنســــــــــــاه
ما مغدور كلمن صدره مجروح
مغدور الشفت جرحه اعله مگفـــــــــــــاه
..
من تحتاج فرعه وتصرخ الصوت
أليفزع امبين گالك هــــــــــــــــــــــــ ــاه
..
ذو الفقار عادل يشهد الكـــون
مرحب بالشطر نصين ســـــــــــــــــاواه
..
سؤال اعله بن ملجم دوخ الناس
علي يعرفه يطبره شلون ربــــــــــــــاه
..
باب الي كسر ضلــع ام الحسين
الدين امنل جرم صدگني بــــــــــــــراه
..
الجرم علي دفع بچفوفه هالباب
وعلى ضلع الزچيه الباب دنــــــــــــــاه
..
تربة كربله ما تســـــوه فلسين
بس خلاهه كعبه حسين بدمـــــــــــاه
..
گبال عيونه الاكبر وذره السيف
وبدمه الرضيع اگماطه حنــــــــــــــــاه
..
الخــــــوه انولدت بأفعال عباس
لمن عالنهر كل عهد وا فـــــــــــــــــاه
..
ذكر زينب رجف وي غرفت الماي
أجه حسين اعله باله الماي ذبـــــــــاه
..
شما حزنك كبر مو حزن محسوب
گلب زينب الحره الحزن ســــــــــــلاه
..
أسود شعر زينب گبل الطفوف
وابيض بالطفوف الحزن خــــــــــــــلاه
..
وما مسموح أ ه اتگول عالصار
على زينب فقط مسمـــــــــــــوح بل أه
....
الشاعر
احسان القريشي

[علي الشمري]

حلووووووووو

[فقار الكرخي]

نورتو الموضوع