جمــــال نصر
الحب كلمه
بتسوى الدنيا.. وما فيها
الحب حاله
بتشجى الروح وتطويها
تخللى قلب المُحِب
بيعزفها.. يغنِّيها
الحب
نسمة هوا دافيه
صافيه
خاليه من المُر
تتحس م اللى شِربها
واللى بيسقيها
بتسرى
فى العروق والدم
تزيل الهم
وبعز البرد تحميها
الحب
نبضة قلب
فى البعد او ف القرب
ومستحيل للكذب
يمحيها
الحب لمسة أيد
مع التنهيد
ولو فى الثلج
تشويها
الحب.. وِد وحنان
ماهوش اوهام
بنكتبها ونحكيها
الحب
شجرة خير
وحمامه
فــ لفح هجير
تظللها تداريها
الحب طفل وأم
وصدر حنون...
وقت الخطر بيضم
بيخللى حتى الأصم
يعيش معانيها
ولحظة ماييجى الفراق
العين بتبكيها
الحب .. جنَّه
ترابها حنَّه
والزعفران والمسك
معطَّرها .. مخضَّرها
وكاسيها
بصدق الوعد
لاهل الحب
الرحمن بيهديها
الحب كلمه تزيد عن الدنيا
مهما نقول فيها
رد مع اقتباس
