هنا

[الشاعر سيد كاظم الشرع]

ألى من يُكّفر أبو طالب( ع)

--------------

تعال نروح آني آوياك يالـــــــــعاذل=نفكر بالخليقة شلون متصـوره

جلة قدرت البـاري على هل تخطيط=الدنيا الواسعه سواه مــن ذره

ذره تفاعلت وي ذره صارت مــاي=لاجن مـو جثير تكونت قـطــــره

قطره تجمعت وي قطره صارنهـار=جلة قدرت الباري على هالقـدره

بدون الماي لا يمكن حيـــــات أدوم=ولا يمكن يعيـش إنسان بالمـره

تدري ألماي مو بس نوع بالتكوين=بعض صالح نشربه وبعض مره

والعاقـل يدورعالعذب والزيــــــــن= ويعوف المياه ألآسنة العـكـــره

جربنه شربنه انواع مـــن المــاي=وحصلنه الزُلال اليطفئ الجـمره

حصلنه الزُلال بمنبع المخـــــــتار=وبحيدر علي نفس النـــبع يجـره

ألما يشرب نبعهم يبكه ضامي دوم=يضل عطشان نارحشائه متوجره

أهل ألبيت هُــمَ ألأمــــن والإيمان= وبغير ألأمان ألعــيشه متعـــذره

أهل ألبيت هُــمَ الطيب والريـــحان=بدون الطـيب نتنه الدنيا متكـدره

أهل البيت همَ الخـبز للجــــــوعان=وبغير الخبزما تـُعـبـــــــد ألقدره

------------

جدهم هاشم المعروف يوم الضيج=على طول الوكت جفنانـه متوفره

كُل همَ يشبع معدة الجوعـــــــــان=ونفسه يكتفي مـن عيشته بكسره

عبد المطلب جدهم سيد البطـحاء=العرب جانت تكصده وتأخذ بفكره

يكفي دعوته يوم أبره والفـــــــيل=ستقبلها ألعزير وحقق النـُصــــره

أرسل على الجيش حجارمن سجيل=خلاه عصف مأكـــــول مطشـره

وبعد جدهُم أبو طالب رفيع الشـأن=تحترمه قريش وتشـــــــهد بقدره

تعال نروح آني أوياك يـــا معتوه= ننشد من كتبكم ندرس الفـــــكره

كُل كُتب الصحاح تكول أبـو طالب=كفيل الهادي من زغره ولحد كبره

أخذ كول ألنبي ألمختارحين الكال =أليتكفل يتيم شـكـــــــثر حد أجره

كال المصطفى بحك كافل ألأيتـــام=هذا الكول ياهو اليـــكدر ينجــــره

آني وكافـل ألأيتام جان يكــــــــول=أجـري ما يـزيد عـلى الكـــفل ذره

آني وكافل ألأيتام بالجــــــــــنات =قصري بالقيامه يشـبه القــــــصره

========

حصار الشعب يشهد له خاص وعام= أبو طالب فدى للمصطفى عمره

ضحه أربع أولاده أبـات الضـــــــــيم= فدوه للعقيدة شلونها النصـــره

تاليه السقيفه بكل صــــــــــلافة عين=كل ذاك التعب تنفيه وتنجــــــره

على نفس النغم والوتر والمزمـــار= نغل عرعور يعزف نغمته القـذره

ويكفر أبو طالب نصــــــــــيرالدين =بلا وجدان يحكم يجزم بكـــــــفره

ندري بالهدف موشـخص أبوطالب=الهدف أبنه علي الكرار أبو العتره

لأن بات الوصي بفراش أبوالزهـراء=فدى روحه المحمد ليلة الهـجره

من ذاك الوكت عرفوّا بحامي الجار=بيمينه راية لإسـلام منتـــصره

لذالك قرروا عزل الوصي الكـــرار=ومن ثم أبتدا التخـــطيط للطـــــــبره

يوم الذبحوّا الكرار بالمحــــــــراب=أقروّا ذبح الحسين وكـــــــطع نحره

يامن تعتقد كل الصـــــحابه اعدول=لا تلغي العقلك صــــــــــــحح الفكره

أرجع للخميس وشوف بيه شصـار=ياهو الكال يهجر يعنــي أبو الزهره

اليرمي المصطفى بالهجروالهذيان=شلون تريدنه نحترمه ونقـــــــــدره


------------

خادم الحُسين ع


سيد كاظم الشرع الموسوي

[قطرة ندی]

عاشت ايدك السلام على امير المؤمنين روحي فداء له

[ٱجَمل ٱنٌسًٱنٌة]

أرجع للخميس وشوف بيه شصـار=ياهو الكال يهجر يعنــي أبو الزهره


اليرمي المصطفى بالهجروالهذيان=شلون تريدنه نحترمه ونقـــــــــدره

صح لسانك وبارك الله بيك ماجور

[علي الشمري]

روعه ماخطه قلمك
دمت مبدع سيدنا
وردي لشخصك الكريم

[الشاعر سيد كاظم الشرع]

شكرا سيداتي وسادتي شكرا لمروركم الكريم

[أكرم]