كون اموتا يوم واعدل ثاني يوم
ارد اشوف شلون تصبح عازتي
ارد اشوفن ياهو اليشك ثوبه حيل
وياهو الي يتمضحك بنص ولايتي
امنيتي اشوفن ياهو ميمر من اموت
وهو عاش بصايت الله وبصايتي
كون اشوفن جادري مبلل ثغيب
حتى حيل اطئمن واخذ راحتي
كون اشوفن صاحبي مغيم بحيث
تراب فوكه وحاله يشبه حالتي
امنيتي اشوف الناس شتكول من اموت
حيل خطيه هي هاي طلابتي
مو قضية موت لا والله ارد اشوف
هواي عندي صاحب لاكن غايتي
رايد احلف بشر غالي بحيث
من اجذب يهدر الدم مالتي
خلصت عمري ومحالفلي بصديق
مره باهل البيت ومره بداعتي
الكلي اموت عليك شيسوي من اموت
خاف اموت ويمشي وي كتالتي
وارد اشوف الكتله احبك من يجوع
يفكر بماعونه لو بحجايتي
وارد اغربل ناس اظن مو خوش ناس
وارد اضمن للكبر عكازتي
وحبي ذاك الخلصت عمري وراه
كون قبل امي يبوس اجنازتي
بالحصاد هوايه ربعي وعزبيت
وما شفتهم من اجو سلابتي
جنت رافع سيف ربعي تمرلي دوم
وجفوا من شافوني رافع رايتي
ومره سبع سنين كطعوا واستحيت
من اهلي وعيوني وصفنتي وساعتي
رد مع اقتباس
المشاركة الأصلية كتبت بواسطة عبود العراقي
