اهل نينوى وهسه شلونكم زينين
تفرحون بسؤالي لو ياذيكم
ما طول عليكم هن وحده ثنين
وبعد كد البعد ما اعتب عليكم
صحيح الماي داعش جنتوا عطشانين
لو ميهم عبر من جوه رجليكم
عجبكم دينهم اني ادري عدكم دين
وتشرف رؤس داعش غنم راعيكم
يميراث الصحابه وقبلت الهادين
منو البغدادي هذا الجاي يهديكم
شنو يعلمكم اصول الذبح بالسجين
وبيمن ياترى بركاب اهاليكم
بايعتوا الخلافه لدولة القذرين
لحاياهم تنشز وي معانيكم
المسيح اخوانكم بالارض والتكوين
صدك طلعوا غرب مو منكم وبيكم
سمعتوا بالنجاشي وقصته لو ناسين
النبي يدنك خجل يم عيسى يرضيكم
اقليه الشبه فهموني شمسوين
نسبت نسوانهم بربوع اراضيكم
ونعى حتى الجبل حال اليزيدين
شني المشهد يضحك ما يبجيكم
اغنموا بالغنائم والحلال الزين
من ضلع المشوا عمرو صوانيكم
ولتخلون شيعي الشيعه مرفوضين
علي هو الخليفه وبلغوا واليكم
علي من تعتنونه زيارته مرادين
واذا ما تعتنونه مراد ينطيكم
محوهه اثاركم ظلوا انتم متفرجين
هدموهه الكنائس يلا شعليكم
ابو تمام شاعر تتبع الغواين
لو ما منهدم تمثاله يهجيكم
كل هذا وكلت ما تخله من الطيبين
وادور الكم عذر من يمر طاريكم
اباوع قبر يونس هوى برمشت عين
افزع ولا جن الامر يعنيكم
يونس يعني موصل ميسره ويمين
خسفتوهه الارض بالجان بانيكم
انهجمت نينوى من اجل حور العين
قبر طم الحوار الترتبط بيكم
رد مع اقتباس
المشاركة الأصلية كتبت بواسطة رافد .
