هنا

[علي الازيرجاوي]

والتقينه

وچان جرحي وياي يمشي

والتقینه

وعيني صبت

حتى ما شديت رمشي
بلا " شلونك "

بلا " يكون الله بعونك "

بلا " شسوه الزمن بيك ويا مصاب الگلب لونك "
گال اسمع :
أولاً : ارهم بدونك
ثانياً : حبيت اخونك
ثالثاً : - كتله انتظرني -

هذا شامت خاف يتورج علينه

سولف بطارف عيونك
هلا شامتنه العزيز ..

شلونها اخوتنا الشماته

استريح ...

خوش عتبه وداعتك

خوش فكة باب

لجروحي الجديدة والقديمه وداعتك

برااحتك ...
گتله كمل
گال هسه جرحي طاب
گتله كمل
گال گتلك جرحي طاب

گتله حل وكت العتاب راح اجاوب وانت اسأل
بالعكس نبدي الحچي
راح ارگضك فوگ ناري
وانه اغلبك منتچي
انه راح اكتب زعلنه

وانت امﻷ كل فراغات البچي

[أغرد بهمس]

جميل ومؤلم
شكرا لك

[إبتسآمهہ]

گال اسمع :
أولاً : ارهم بدونك
ثانياً : حبيت اخونك


مؤلمهـ

شكراً لك يا رآئع..~

[ضياء الصافي]

جميل وروعة
ابهرتنا بحق

[علي الازيرجاوي]

نورتو ورود كل الود