بايع ميانة وياها
حبيتها ولمن مشت
عاندت روحي اتناها
الباعت عشرتي بلا ثمن
بايع ميانة وياها
يربات ادية شعطلج
والشيب لايح كصتي
ليش انة الاجمع بالحطب
دخان تطلع حصتي
والشك البراسي نكتل
لمن بجيت اتناها
تراوالي واحد بس عرف
يومية يمشي وياها
كايدها لكن مارضت
مايفتهم بحساسها
تاركه تبجي امن الصبح
بليل اجاها وباسها
بس انة وياها افتهم
وياي من جانت كبل
جنت احسبلها انفاسها
البيها ماتاعب صدك
ماخذها هيه وناسها
مامنتضرها بأي ركن
بس شكثر تانيتها
وبمدرستها استهضمت
لو ادري جا تانيتها
زارعها بيدي وي الورد
والله ماضكت العطر
وابالي ماشميتها
وحبيتها بنية عرس
واستثكلت حلقتها
منين ماكمت التفت
تطلعلي بس زفتها
وين انطي وجهي الياكتر
هو البياض البالكمر
متواجد ابدلتها
اعله مرايتي امن أذكرج
تطلع عتيجة مرايتي
كد التجاعيد العلي
مابيها تمشي حجايتي
رد مع اقتباس
