تعيرني بعراقيتي ولاتدري
اغلى بالوجود اني عراقي
::::
اول حرف خط الكون احنه
واحنه اهل المحنه وفكر راقي
:::
واحنه عشكت السياب نخلة
ومها بشار وصفه للماقي
::::
واحنه العشك من الله بينا
اذا قلت العشك يعني عراقي
:::
واذا تشرب فرات ودجلة فد يوم
في درب المعالي تظل راقي
:::
وبس احنه العواصم عدنه كوفه
وتظل بغداد قلبي وبالاحداقي
:::
وسامرا ورمز ملوية الكون
ورمح الله بارضه انه العراقي
:::
واذا قصدك بدمي دوم مسفوح
الى يوم القيامة الدم يراقي
:::
اسأل كربلاء رمالها حسين
ماجفت دمانا ورطب باقي
:::
واذا تسأل علي وحالتي اليوم
رفعة راس اظل انه العراقي
ابد ماصدكك
واكذب احساسي
لاني كنت احسك نبض
بانفاسي ...
..............اذا انت الغدر طبعك وكذاب
ابقى عالعهد .....
ماخون ناسي
اذا انت نفاق وطبع ثابت بيك
ماريدك
شواطي
ولامراسي ....
ينصحوني ولك لاتقرب اغراب
يظل طبع الغريب
بدون ساسي
حسبت انك صدووق بمثل طبعي
وردتني بيوم اخاصم اعز ربعي
وتكونيلي بيوم الظلمة شمعي
وين اللهفة منج
وين الدموع ؟؟؟
طلع تمثيل كلها
ذيج الشموع
عجيب الناس هذي ماهي ناسي
عجيب الناس هذي ماهي ناسي
ولايزال ....
في القلب بقية ...
بقلم
فتحي الجبوري
رد مع اقتباس