ماكو رحمه واحترس بالك احس
ماكو داعي تشيل عني
الضيم ذاك الداسته جدامي امس
ماكو داعي تشل جروحي
وتدري كلبي الطيب يضخ دم شرس
تدري يااول معلم علماني دروس
انه من اخر عصا افهمت الدرس
وماعرفت شلون انهي المسرحيه
المابدت اصلا ولاشافت شمس
واني اسف جدا اسف
ماجبت نيشاني بجرحك ترس
ياظلام وخوف واوجاع وشكوك
مايفرح اللي تيتم اي عرس
وماكو داعي ترحم بجرح السنين
وضكت من ذاك الحبس بس الحبس
احترس ...كلي احترس بس من زمان
مو طحت بالبير وتكلي احترس
وانه مو ذاك الغشيم العشت اطيع
ولانه طفلك وانتظر لمسه وهمس
لو احس بيك اقتربت لبالي !!..شوف!!
ماكو رحمه واحترس بالك احس
رد مع اقتباس
